भांगरभूंय | प्रतिनिधी
सां जुझे दी आरियल स्पोर्ट्स क्लबाक सडन डॅथांत 8-7 अशा गोल फरकांनी हारोवन काणा बाणावली आंतरगांव फुटबॉल सर्तीचें वस्तादपण जोडलें. मॅच सेंट जॉन दी बाप्तिस्त मैदानाचेर जाली.
निर्धारीत वेळाच्या खेळांत दोनूय क्लब 1-1 अशे बरोबरींत आशिल्ले. सां जुझे दी आरियल स्पोर्ट्स क्लबा वतीन आल्वितो मौरान गोल केलो, जाल्यार एबीसी वतीन प्रणेशान बरोबरीचो गोल केलो. मॅच बरोबरींत उरिल्ल्यान टायब्रेकराचो आदार घेतलो. हातूंत एबीसीन जैत जोडलें.
वैयक्तीक इनामांः सिप्रियानो रॉड्रिग्स (फायनलींतलो उत्कृश्ट खेळगडो, एबीसी हरमल), आल्वितो मौरा (फायनलींतलो पयलो गोल, आरियल स्पोर्ट्स क्लब), मोहम्मद मन्सुरी (उत्कृश्ट मिडफिल्डर, आरियल स्पोर्ट्स क्लब), विवेक कानुळकार (उत्कृश्ट डिफॅण्डर, एबीसी हरमल), अॅग्गीओ आंतांव ( फायनलींतलो उत्कृश्ट गोलकीपर, आरियल स्पोर्ट्स क्लब), प्रणेश असवणेंकार (सर्तींतलो उत्कृश्ट स्ट्रायकर, एबीसी हरमल), अस्नॉय गोम्स (सर्तींतलो उत्कृश्ट खेळगडो, आरियल स्पोर्ट्स क्लब), डायटमार फर्नांडीस (सर्तींतलो उत्कृश्ट गोलकीपर, एबीसी हरमल), डॅनील फर्नांडीस (बाणावलीचो उदेंतो खेळगडो).
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
