भांगरभूंय | प्रतिनिधी
प्रदूशण, वेळा भायर जेवण, फास्ट फूड अश्या गजालींक लागून पोटान इबाडटा. हाचो परिणाम मागीर कातीर जावपाक लागता. हाचेर उपायूय आमच्या जेवणांतूच लिपला. निरोगी आनी तिकतिकीत कांत जाय जाल्यार ABC एबीसी ज्यूस सगल्यांत बरो पर्याय. Apple+Beetroot+Carrot ह्या तीन घटकांनी केल्लो हो ज्यूस कांती खातीर उत्कृश्ठ थारता.
आपोलांत व्हिटॅमिन उ, अँटीऑक्सिडंट्स आनी फायबर्स भरपूर आसतात. हाका लागून कांत हायड्रेट उरता आनी सुरकुत्यो आनी कांतीवेले डाग उणे जातात. हाका लागून जाण्टेपणाची प्रक्रिया उणी जाता आनी कांत तिकतिकपाक लागता.
बीटरुटांत आशिल्लें आयर्न, फॉलिक ऍसिड आनी अँटीऑक्सिडंट्सांक लागून रगत नितळ जाता. डिटॉक्स इफेक्टाक लागून कांत तिकतिकीत जाता. कांत सैमीक तरेन चकचकपाक लागता.
गाजर बीटा-कॅरोटीन आनी व्हिटॅमिनचें उत्कृश्ट स्रोत. Carrot कांतीक पोशण दिता, सुर्याच्या किरणां पसून संरक्षण दिता. कांत नितळ आनी मोल करता.
ABC ज्युसाचे मुखेल फायदे
कांत नितळ आनी तिकतिकीत करता. कांत सुकना. रगत शुध्द करून कुडीक विशमुक्त करता, पिराय वाडपाची प्रक्रिया मंद करता, सैमीक स्किन रिन्युअलाक मजत करता.
ज्यूस कसो तयार करचो?
साहित्य: १ मध्यम आपोल, १ ल्हान बीट, २ गाजर, १/२ कप उदक (वा बर्फ), इश्चीक – मध, पुदिना वा लिंबू रस.
कृती : सगलीं फळां नितळ धुवन कापात. मिक्सरांत उदक/बर्फ घालून ब्लँड करात. उपरांत तें गाळून घेयात. चवी प्रमाण म्होंव/लिंबू घालून पियात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
