भांगरभूंय | प्रतिनिधी
मोपा: मनोहर आंतरराष्ट्रीय विमानतळ वाठारांत आयोजीत केल्ल्या ‘ एफ-४ इंडियन चॅम्पियनशिप’ हे सर्तीक शेनवारा नेटान सुरवात जाली. मात कांय घडणुकांक लागून हे सर्तीचेर वायट परिणाम जालो. आयतारा दनपरां हे सर्तीच्या वाठारांत अचकीत उजो लागपाची घडणूक घडली. उजो पालोवपी दळान वेळार येवन उज्याचेर नियंत्रण हाडिल्ल्यान व्हड घाणूक जावपा पसून वाटवली. मात ह्या उज्याचें नेमकें कारण आजूनय समजूंक ना.
मजगतीं, शेनवारा पयल्याच दिसा कार रेसिंग मजगतीं दोन विंगड विंगड अपघात घडले. एके गाडयेन दुसरे गाडयेक धपको दिल्ल्यान पयली घडणूक घडली. जाल्यार दुसरे घडणुकेंत ओव्हरटेक करतना दोन गाडयो एकामेकांक आदळ्ळ्यो. ह्या अपघातांत वट्ट तीन गाडयांचें जरी लुकसाण जालें तरी, कोणाक गंभीर दुखापत जावंक ना. मजत पंगडान क्रेनीचे मजतीन ह्यो गाडयो कुशीक काडून मार्ग मेकळो केलो. ह्या अपघात उपरांत सर्तीच्या नियोजना विशीं कांय जाणांनी तिडक उक्तायल्या. तरी प्रेक्षकांची उमेद मात उणी जावंक ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
