भांगरभूंय | प्रतिनिधी
पणजी: एन. एम. सरस्वती बाई साहित्य पुरस्कार २०२४ वर्सा खातीर बायल लेखकांनी आपल्या देवनागरी लिपयेंत बरयिल्ल्यो कोंकणी साहित्यकृती सादरीकरणा खातीर नोंदणी करपाचें आमंत्रण दिलां. हें बायलांचें साहित्य कृती निबंद, प्रवास-वृत्तांत (प्रवास वर्णन), कविता वा लघुकथा ह्या मळार सृजनशील आसपाक जाय.
पुरस्काराचें स्वरूप
ह्या पुरस्कारांत पंचवीस हजार रुपया रक्कम आनी प्रमाणपत्र. बायलां साहित्यीकांनी ३० सप्टेंबर पयलीं ह्या पुरस्कारा खातीर नांवांची नोंदणी करची. तशेंच सचीव, कोंकणी भाषा प्रचार सभा, पालेस रोड, कोच्ची – ६८२००२ ह्या नाम्याचेर आपल्या कृतींच्यो चार प्रती धाडच्यो. चड म्हायती खातीर ९४९६२२६९२२ ह्या नंबराचेर संपर्क करचो, अशें आयोजकांनी कळयलां
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
