भांगरभूंय | प्रतिनिधी
भांगरभूंय । प्रतिनिधी
वास्कोः राष्ट्रवादी काँग्रेस पक्षाचे (एनसीपी) राष्ट्रीय अध्यक्ष शरद पवार हांणी अध्यक्षपदाचो दिल्लो राजिनामो फाटीं घेवचो अशी विनवणी आमी तांका केल्या अशी म्हायती प्रदेश राष्ट्रवादी काँग्रेसाचो अध्यक्ष जुझे फिलीप डिसोझा हाणे दिल्या.
शरद पवार हाणी अध्यक्षपद सोडपाची जी घोशणा केल्या ते विशीं आमकां अजाप तशेंच वायट दिसले. पवार आमच्या पक्षाचो मुखेल खांबो आसा. ताणे पक्ष स्थापन करून तो राष्ट्रीय पावंड्यार पावयलो.. ताच्या राजिनाम्यान पक्षाचें सामकें लुकसाण जातलें अशें जुझे फिलिपान सांगले.
पक्षाच्या सगल्या फुडाऱ्यां सयत आपणे शरद पवार हांका अध्यक्षपदाचो राजिनामो फाटीं घेवपाची विनवणी केल्या. प्रफुल्ल पटेल हांचे कडेन म्हजी उलोवणी जाल्यांत. राजिनाम्याचेर उलोवपाक पटेल हांणे म्हाका मुंबय आपयलां अशें ताणे सांगले. शरद पवार हाणे पक्षांतल्य लक्ष काडल्यार आनी तांचे मार्गदर्शन मेळ्ळें ना जाल्यार एनसीपी फुडें वचपाक शकची ना. आमच्या सगल्यां खातीर सगळेंच कु्स्तार जातलें. ताका लागून पवार हांणी राजिनामो फाटीं घेवचो अशें आमकां सगल्यांक दिसता अशें जुझे फिलिपान सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
