भांगरभूंय | प्रतिनिधी
नवी दिल्ली, खबरां संस्था: नवें शिक्षणीक सत्र २०२४- २५ हें आदलें सत्र २०२३- २४ प्रमाणूच आसतलें. ताचें कारण म्हळ्यार एनसीईआरटीचीं नवीं पुस्तकां तयार जावंक नात. तशेंच अध्यापन कशें करचें, उपरांत शिक्षकांचें मुल्यांकन कशें करप हे विशीं शिक्षक पुस्तिकाय तयार करतात.
अभ्यासक्रमूय आजूनय जाहीर जावंक ना. नव्या राष्ट्रीय शिक्षणीक धोरणा खाला (एनईपी-२०२०) यत्ता ९ वेंत दोन भारतीय भासां सयत तीन भाशेंचो आनी यत्ता ११ वेंत एके भाशे सयत दोन भासो शिकपाची अट लागू केल्ली. प्रस्ताव नव्या वर्सा लागू करप कठीण आसा. शिक्षणमंत्री धर्मेंद्र प्रधान हांणी, एनसीईआरटीचीं तिसरी आनी सवेचीं पुस्तकां जुलय- ऑगस्ट मेरेन येतलीं.
ओपन बुक परिक्षा, दोन फावटीं परिक्षेचेर विचार
दरेके यत्तेंत क्रेडीट सिस्टिम, वर्सांतल्यान बोर्ड परिक्षा दोन फावटीं आनी उक्त्या पुस्तका सयत परिक्षेची तरतूद लागू करप्यांचेर विचार करप सुरू आसा. पथदर्शी प्रकल्पाच्या फिडबॅकच्या सुधारणेचेर प्रोफार्मा राज्यांक धाडटले.
५ वी ते ८ वी मेरेन पास जावप सक्तीचें
५ वी ते ८ वी मेरेन फुडल्या वर्गांत वचपा खातीर पास जावप गरजेचें आसतलें. थेअरी २५% आनी ७५% हाजेरी लागतली. उपरांत फुडले यत्तेंत घालतले. आतां मेरेन हजेरीची सक्ती १० वी १२ वी बोर्ड परिक्षे खातीरूच आसतली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
