भांगरभूंय | प्रतिनिधी
कागदपत्रांं विशीं निबंदकां कडल्यान सरकाराक अहवाल सादर
पणजी: गोंंयांंत हेर कडेन फांटे सुरू करपा खातीर तिरुमाला तिरुपती क्रेडीट सोसायटीक नव्यान अर्ज करपा सयत सगले सोपस्कार परतून करचे पडटले. सोपस्कार तशेंच बँकेच्या स्थितीचो विचार करून एनओसी विशीं निर्णय जातलो. इतले मजगतीं, सोसायटीन सादर केल्लीं कागदपत्रां आनी ऑडीट अहवालाचेर आदारीत सहकार निबंंदकांंनी सरकाराक अहवाल सादर केला.
नोटिसो जारी करून लेगीत ऑडीट अहवाल आनी आवश्यक तीं कागदपत्रांं सादर करूंक नाशिल्ल्या कारणान सहकार निबंधकांंनी तिरुमाला तिरुपती मल्टीस्टेट सहकारी क्रेडीट सोसायटीची एनओसी रद्द करपाचो आदेश दोन सप्तकांं पयलीं दिल्लो. हाका लागून सोसायटीक गोंंयांंत 13 फांटे सुरू करपाक दिल्ली मान्यताय रद्द जाली. गोंंयच्या गुंंतवणूकदारांं मदीं भिरांंत निर्माण जाली. हाचे उपरांंत सोसायटीच्या संंचालक मंंडळान मुख्यमंंत्री डॉ. प्रमोद सावंंत तशेंच सहकार मंंत्री सुभाष शिरोडकार हांची भेट घेतली. ते भायर माफी मागून कागदपत्रांं सादर केलीं.
तिरुमला तिरुपती सोसायटीक 2023, 2024 आनी 2025 वर्सा नोटिसो जारी केल्यो. हे नोटिसेक तांणी कसलोच प्रतिसाद दिलो ना. सोसायटीन ऑडीट अहवाल लेगीत सादर करूंक ना. हाका लागून एनओसी रद्द करपाचो निर्णय सरकारान घेतलो.
गोंंय सहकारी सोसायटी कायदो 2001 प्रमाण क्रेडीट सोसायटींंक दर वर्सा ऑडीट अहवाल सादर करचो पडटा. ह्या अहवाला सयत गोंंयच्या गुंंतवणुकी विशीं सोसायटीन म्हायती सादर केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
