भांगरभूंय | प्रतिनिधी
नवी दिल्ली, खबरां संस्था ः एथिकल हॅकर्स वेबसायटी हॅक करून ताचे लूप होल आनी दोश सोदून काडटात. वेबसायटीक फुलप्रूफ करप हो हेतू आसता. गूगल प्ले स्टोर आनी आयओएसाचेर फटवणूक करपा खातीर अपलोड केल्ले फेक अॅप बंद करपाक लागला. हे दोगूय रोहित मिश्रा आनी बाबूलाल एकठांय येवन 7065 फेक अॅप्स बंद केल्यात. तातूंत गुंतवणुकीच्या नांवान फटवणूक, आयपीओ रीण आनी गेमींग अॅप आसात. 2023 वर्सा शेअर वेपाराच्या नांवान आपल्या इश्टाच्या बापायक 35 लाख रुपयांक फटयिल्ले उपरांत मोहीम सुरू केली.
चडशे फेक अॅप ऑपरेटर ऑनलायन, रिणाच्या नांवान फटयतात…
रिणां खातीर प्रक्रिया आनी नोंदणी शुल्काच्या नांवान फटवणूक लोकांची फटवणूक करतात. फेक अॅप चलयतात ते चोरिल्ले पयशे लोकांक दितात. 3000 ते 5000 रुपया रिणाच्या नांवान तांचे कडल्यान 45% व्याज काडटात, प्रक्रिया आनी नोंदणी शुल्काच्या नांवान अर्दी रक्कम कट करतात. पयशे भरल्या उपरांत शिल्लक रक्कम काडून घेतात वा हेर माध्यमांतल्यान ब्लॅकमेल करतात. तेच प्रमाण शेअर बाजारांत गुंतवणूक करपी अॅप्स आसात.
अॅप स्टोराचेर लक्ष दवरतात, बनावट ॲप ट्रॅकिंगा खातीर सायट…
दोगांयनी मेळून फेक अॅप्स ट्रॅक करपा खातीर वेबसायट तयार केल्या. बनावट अॅप सोदून काडल्या उपरांत ते आपल्या वेबसायटीचेर घालतात. प्ले स्टोर आनी अॅप स्टोर ह्या पोर्टलांचेर तांचे वेबसायटीची नदर आसता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
