भांगरभूंय | प्रतिनिधी
नवी दिल्ली, खबरां संस्था ः वेंचणूक सुदारणां खातीर वावुरपी असोसिएशन फॉर डेमोक्रॅटिक रिफॉर्म्स (ADR) चे सह-संस्थापक आनी वेंचणूक सुदारणेचे कट्टर समर्थक आशिल्ले प्रो. जगदीप एस. छोकर (81) शुक्रारा सकाळीं काळजाच्या आताकान संवसाराक अंतरले. प्रो. छोकर हांच्या इत्से प्रमाण ताची कूड संशोधन करपा खातीर लेडी हार्डिंग मेडिकल कॉलेजीक दान केल्या.
आयआयएम अहमदाबादचे प्राध्यापक आशिल्ले छोकर हांणी 1999 वर्सा एडीआरची (ADR) थापणूक केली. हाचे वरवीं तांणी वेंचणुकेच्या पारदर्शकते खातीर जायतीं कायदेशीर झुजां झुजलीं. उमेदवारांची फाटभूंय उक्ती करप, वेंचणूक रोखे येवजण रद्द करप सारकिल्ल्यो सुदारणा फकत तांच्या यत्नांक लागून शक्य जाल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
