भांगरभूंय | प्रतिनिधी
भारतांतली एक मुखेल जिवन विमो कंपनी ‘एचडीएफसी लायफ कंपनी’न स्मार्ट पेन्शन प्लस सुरू केल्या. ही येवजण गिरायकांक निवृत्ती उपरांत नेमान आनी हमी दिल्ल्या उत्पन्नाच्या प्रवाहाच्या रुपांत अर्थीक स्वातंत्र्य मेळोवन दिवपाक सक्षम करता. एचडीएफसी लायफ स्मार्ट पेन्शन प्लस ही येवजण, जांकां स्वता खातीर अर्थीक सुरक्षेचें जाळें तयार करपाची इत्सा आसा आनी निवृत्ती उपरांतूय आपली सद्याची जीणे पद्दत तशीच चालू दवरपाची आसा तांचे खातीर बरी आसा. सादेपणान सांगपाचें जाल्यार, हें वर्सुकी उत्पादन गिरायकांक निवृत्ती उपरांत आपलें जाय आशिल्लें जिवीत जगपाक सक्षम करूंक शकता. उत्पादन स्वताक तशेंच आपल्या वांगड्याक कव्हर करपाची लवचीकताय, प्रीमियम फारीक करपाची मुजत आनी रोखडीच वा कांय वर्सां उपरांत उत्पन्न घेवपाचो पर्याय दिता.
ग्राहकांच्यो गरजो भागोवपा खातीर एचडीएफसी लायफ स्मार्ट पेन्शन प्लस जायत्या प्रकारांनी दितात – तातूंत तरलताय पर्याया सयत वर्सुकी, चलनवाड भरून काडपाक सादी आनी वाडत वचपी वर्सुकी तशेंच स्वताच्या जिविताचे ध्येय पुराय करपाक प्रीमियमाचे सुरवेक हप्तो हांचो आस्पाव जाता. व्यक्तींनी तांच्या गरजे प्रमाण पर्याय वेंचून येवजण घेवं शकतात.
लोकार्पण सुवाळ्यांत उलयतना एचडीएफसी लायफचे उत्पादन आनी विभाग मुखेली अनीश खन्ना हांणी सांगलें, भारतांत निवृत्ती वेळार बचतीचें अंतर 2050 मेरेन 85 ट्रिलियना मेरेन पावपाचो अदमास आसा. वाडत वचपी चलनवाड, वाडपी भलायकी जतनाय खर्च आनी चड आयुश्य आशिल्ल्यान, व्यक्तींनी तांच्या कमाईच्या वर्सां उपरांत नेमान उत्पन्नाची येवजण करप
गरजेचें आसा. आमची निमाणी ऑफर, एचडीएफसी लायफ स्मार्ट पेन्शन प्लस ही एक आगळीच वार्षिकी येवजण आसा जी विशिश्ट गरजां पुराय करपाक अनुकूल आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
