भांगरभूंय | प्रतिनिधी
बेगीनूच एप्रील म्हयनो सोंपतलो. हो म्हयनो सोंपले उपरांत मे म्हयन्यांत कांय बँकांचे नेम (New Banking Rule) बदलतले. एलपीजी सिलिंडराचीय (Gas Cylinder Price) किंमत बदलपाची शक्यताय आसा.
ह्या सगळ्या बदलांक लागून सामान्य लोकांच्या बोल्साचेर सरळ परिणाम पडटलो. ताका लागून बदलिल्ल्या नेमांची योग्य म्हायती आसल्यार तुमकां तुमचें अर्थीक नियोजन योग्य तरेन करपाक मेळटलें. येवपी १ मे सावन खुबशे नेम बदलतले.
येस बँकेच्या खात्याचे खंयचे नेम बदलतले?
येस बँकेच्या सेव्हींग खात्या विशीं येवपी १ मे सावन कांय नेम बदलतले. येस बँकेच्या अधिकृत संकेतस्थळांवेल्या म्हायती प्रमाण बँकेच्या विवीध खात्यांचेर उण्यात उणे सरासरी ठेवींत (मिनिमम ऍव्हरेज बँलेन्स) बदल केला. येस बँकेच्या प्रो मॅक्स प्रकारच्या खात्याचेर मिनीमम ऍव्हरेज बँलेस ५०,००० रुपया जातलो. सेव्हींग अकावंट प्रो प्लस Yes Respect SA तशेंच Yes Essence SA ह्या खात्यांत मिनिमम ऍव्हरेज बॅलेन्स २५,००० रुपया केला. Account PRo प्रकारच्या बँक खात्यांत धा हजार मिनिमम बॅलेन्साची अट दवरल्या.
ICICI बँकेचे नवे नेम
आयसीआयसीआय बँकेचेय १ मे सावन खुबशे नेम बदलतले. ही बँक सेव्हिंग खात्यांच्या सर्व्हिस चार्जेसांत बदल करतली. तुमी गांवगिर्या वाठारांतलें गिरायक आसल्यार तुमकां ICICI बँकेच्या डेबीट कार्डाचेर ९९ रुपया, शार वाठारांतले गिरायक आसल्यार २०० रुपया फी (प्रतिवर्ष) दिवची पडटली. तुमकां बँकेचो २५ पानांचो चेक बुक जाय आसल्यार ताचे खातीर तुमकां कसलेच तरेचें शुल्क दिवचें पडचें ना. २५ पेजी उपरांत चेकबुकच्या दरेका पाना खातीर तुमकां ४ रुपयांचें शुल्क दिवचें पडटलें. तुमी आयएमपीएसन एक हजार रुपयां मेरेनचें ट्रान्जेक्शन करता जाल्यार दर ट्रान्जेशनाक २.५० रुपया दिवचे पडटले. १ हजार ते २५ हजार रुपयां मेरेन ट्रान्जेशन करता जाल्यार पांच रुपया प्रती ट्रान्जेशन फी दिवची पडटली.
HDFC कडल्यान स्पेशल एफडीक मुदत वाड
HDFC ही बँक खाजगी बँकींग मळार सगळ्यांत व्हडली बँक. हे बँके कडल्यान ज्येश्ठ नागरिकां खातीर स्पेशल एफडीय येवजण म्हळ्यार एचडीएफसी बँक सीनियर सिटीझन केअर एफडी येवजण राबयता. हे येवजणेचे मुदतींत १० मे मेरेन वाड केल्या. बँक हे येवजणे खाला ज्येश्ठ नागरिकांक ०.७५ टक्क्यांचें व्याज दिता. हे येवजणे प्रमाण गिरायकांक ५ ते १० वर्सां मेरेनच्या एफडी स्कीमीचेर ७.७५ टक्के व्याज दराचो लाव मेळटा. हे येवजणे खाला ज्येश्ठ नागरिकांक पांच कोटी रुपयां मेरेन पयशे जमा करपाक मेळटात.
एलपीजी गॅस सिलिंडराचे किमतींत बदल जातलो?
दरेका म्हयन्याचे १ तारखेक तेल कंपन्यो घरगुती आनी वेवसायीक एलपीजी गॅस सिलिंडराच्या दरांत बदल करता. ताका लागून एक मेक गॅस सिलिंडराच्या दरांतूय बदल जावपाची शक्यताय आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
