भांगरभूंय | प्रतिनिधी
नवी दिल्ली, खबरां संस्था : दरेकल्याचे बँकेंत सेव्हिंग, एफडी अकावंट आसता. जायत्यो बँको आपल्या गिरायकांचेर निर्बंध घालतात. देखून गिरायकांक तांच्या बचतीचेर उणें व्याज मेळटा. अशें आसतना एचडीएफसी, एक्सिस बँकेन आपल्या गिरायकां खातीर म्हत्वाचो निर्णय घेतला. ताका लागून दोनूय बँकेंच्या गिरायकांक व्हड फायदो जातलो.
एचडीएफसी आनी एक्सीस बँके सयत देशांतल्या चार व्हडल्या बँकांनी १ जुलय सावन आपल्या नेमांत म्हत्वाचे बदल केल्यात. गिरायकांक फायदो जावपा खातीर हे बदल केल्यात. ते प्रमाण बँकेंत गिरायकांक तांच्या स्थिर ठेवीचेर मेळपी व्याजदर वाडयला. देखून, तुमी एचडीएफसी आनी एक्सीस बँकेचे गिरायक आसल्यार, तुमकां हे बदलिल्ले नेम खबर आसपाक जाय.
१ वर्साच्या टर्म डिपॉझिटाचेर कितलें व्याज?
तुमच्या एफडीक सादारणपणान बँकांनी ६ टक्के व्याज मेळटा. पूण बँकेन आपल्या गिरायकांक आकर्शीत करपा खातीर व्याजदर वाडोवपाची घोशणा केल्या. एचडीएफसी बँकेंत एका वर्साच्या एफडीचेर ६.६० टक्के व्याज दिवपाचें काम सुरू आसा. देखून एक्सिस बँकेंत फकत एक वर्स एफडी केल्यार लेगीत ६.७० टक्के व्याज मेळूं येता. फकत ह्यो दोन बँको न्हय तर हेर बँकांनीय व्याज दिवपाचे नदरेन सर्तींत प्रवेश केला. आयसीआयसीआय बँकेच्या एफडीचेर ६.७० टक्के आनी एसबीआयच्या एका वर्साच्या एफडीचेर ६.८ टक्के व्याज मेळटा.
२ वर्सां एफडीचे कितलें व्याज?
एचडीएफसी बँक आपल्या गिरायकांक २ वर्सांच्या एफडीचेर ७ टक्के व्याज दिता. एक्सिस बँक आपल्या गिरायकांक २ वर्सांच्या स्थिर ठेवी गुंतवणुकांचेर ७.१० टक्के व्याज दिता. हेर बँकोय ह्या मळार आसात, आयसीआयसीआय आनी एसबीआय एका वर्साच्या एफडीचेर ७.२० टक्के आनी ७ टक्के व्याज दितात. म्हणल्यार ह्या बँकेंत तुमचें खातें आसल्यार मागीर एफडी करप तुमकां फायद्याचें थारतलें.
३ वर्सां टर्म डिपॉझिटाचेर कितलें व्याज?
एचडीएफसी बँकेन तीन वर्सां खातीर एफडी व्याज दर जाहीर केल्यात. ते प्रमाण एचडीएफसी तुमकां ३ वर्सांच्या एफडीचेर ७% व्याज दिता. जशें एक्सिस बँक आपल्या गिरायकांक तांच्या एफडीचेर ७.१० टक्के व्याज ३ वर्सां खातीर दिता. आयसीआयसीआय आनी एसबीआय एका वर्साच्या एफडीचेर अनुक्रमान ७ टक्के आनी ६.७५ टक्के व्याज दितात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
