भांगरभूंय | प्रतिनिधी
‘कोण कितें म्हणटलो, हाचेर लक्ष दिवचे परस आमी कितें करूंक शकतात, हाचेर लक्ष दिल्यार चड बरें जातलें’ अशें ते सदांच म्हणटाले. आपलें ध्येय कशें साकारचें हाची देख दिवपी हें म्हान व्यक्तीमत्व.
मनोहर पर्रीकर हें फकत एक नांव न्ही तर हो एक अध्याय. सादो सरळ भेस. दुरदृष्टी आशिल्लो मनीस. मनोहर पर्रीकार हांचो जल्म 13 डिसेंबर 1955 ह्या दिसा म्हापश्यां जालो. तांच्या बापायचें नांव गोपाळकृष्ण आनी आवयचें राधाबाय. गोंयकार पर्रीकार हांकां मोगान भाई म्हणटाले. ताणीं आपलें पुराय जिवीत फकत भारतीय जनता पार्टी खातीर दिलें. आज भाजपा जो किदें आसा तो भाईक लागुनूच, अशें म्हणल्यार अतिताय जावची ना. एक बरो मुख्यमंत्री, एक पेजाद विरोधी पक्ष फुडारीय म्हूण तांणी काम केलां. देशाचो संरक्षण मंत्री जावपाचो भार ताणीं पेल्लो.
एक निश्ठावान कार्यकर्तो. एक खरो राजकारणी जांणी निमण्या स्वासा मेरेन फकत भारतीय जनता पार्टीक वयर काडपाची, तिका तिगोवपाची आनी तिका एक मानाचें स्थान दिवन लोकांच्या काळजांत रिगोवपाचें धाडस जर कोणी केलें, तर तें मनोहर भाईन. ताचे सारको राजकारणी आयज कोणी जायत काय? हांसतें मुखामळ आशिल्लो, सादो भेस, एक बुदवंत गोंयकार अशे आसले मनोहरभाई. एक राजकारणी म्हण फकत गोंयचेंच न्हय तर पुराय भारताचें नांव तांणी व्हड केलें. शिक्षणाचे खर मोगी तशेंच दर एका विशयाचो खोलायेन अभ्यास करपी. नवीन गजाली शिकपाक तांकां आवडटालें. सगल्यांक बरोबर घेवन काम करपाची तांची आपली एक शैली आशिल्ली आनी जाका काम करुंक आवडना ताचे कडल्यान तें काम कशें करून घेवप, ही कला तांका बेस बरी कळटाली.
2014 वर्सा लोकसभेची वेंचणूक जाल्या उपरांत भाजपाक बहुमत मेळ्ळे आनी नरेंद्र मोदीजींच्या फुडारपणा खाला मनोहरभाई संरक्षण मंत्री जावपाची संद मेळ्ळी, एका ल्हान राज्यांतल्यान वचून देशाचो संरक्षण मंत्री जावप म्हळ्यार तोखणायेची गजाल. भाईन गोंयचें नांव व्हड करून दाखयलें. भाईक थंय वचपाचें नाशिल्लें. तांकां गोंयांतूच रावन गोंयची खूब खूब उदरगत करपाची आसलीं, पूण तें जावंक शकलें ना. तांकां मोदीजींच्या आग्रहा खातीर वच्चेंच पडलें. आपूण गोंयां पसून खूब पयस वता हें चिंतून तांकां वायट दिसतालें. अखेरेक तांकां तें पद स्विकारचेंच पडलें. थंय वचून नवीं आव्हानां स्विकारचीं पडलीं. संरक्षण मंत्री जाले उपरांत तांकां उत्तर प्रदेशांतल्यान राज्यसभेचें सीट मेळ्ळें. देशाक तांची खूब गरज आशिल्ली, तेन्नाच पर्रीकार देशाचे संरक्षण मंत्री. ते केंद्रीय मंत्री जाले तेन्ना भारतान एक नवी सकाळ पळयली.
एक राजकारणी म्हण फकत गोंयचेच न्ही तर पुराय भारताचें नांव तांणी व्हड केलें. शिक्षणाचे ते मोगी. विशय मागीर तो राज्याचो आसूं वा शिक्षणाचो भाईक ताचो खोलायेन अभ्यास करुंक आवडटालें. मनोहरभाई हे सगळ्यां खातीर फक्त राजकारणीच न्हय तर एक रोल मॉडेल आशिल्ले. कश्ट कशे करप. आपलो गृहपाठ कसो करप. वेळार काम सोपोवप. ‘कोण कितें म्हणटलो, हाचेर लक्ष दिवचे परस आमी कितें करूंक शकतात, हाचेर लक्ष दिल्यार चड बरें जातलें’ अशें ते सदांच म्हणटाले. आपलें ध्येय कशें साकारचें हाची देख दिवपी हें म्हान व्यक्तीमत्व. दिल्ल्या वेळा पयलीं तें काम सोंपोवपाची धमक. तांणी आमकां जें कितें दिलां तें विसरून जावचेंना, अश्या ह्या वीर फुडाऱ्याक म्हजीं नमळायेचीं आर्गां.
– शिल्पा लाड
8411007204
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
