भांगरभूंय | प्रतिनिधी
नवी दिल्ली, खबरां संस्था ः ‘एक देश, एक वेंचणूक’ संबंदी सरकारान शुक्रारा व्हड निर्णय घेतला. केंद्र सरकारान एक देश एक वेंचणूक घेवपाक समिती स्थापन केल्या. आदले राष्ट्रपती रामनाथ कोविंद हांकां समितीचे अध्यक्ष केल्यात. ताची अधिसुचोवणी आयज जारी जावपाची शक्याताय आसा.
केंद्र सरकारान 18 ते 22 सप्टेंबर मजगती संसदेचें खाशेलें अधिवेशन आपयलां. तशेंच ‘एक देश, एक वेंचणूक’ हाचेर सरकार विधेयक हाडूंक शकता. केंद्रान स्थापन केल्ली समिती कायदेशीर दिश्टीकोणाचेर नदर मारतली. हाचे वांगडाच सामान्य लोकांचें मतूय घेतले.
हें 17 वे लोकसभेचें तेरावें अधिवेशन आनी राज्यसभेचें 261 वें. वन नेशन-वन इलेक्शन वा वन कंट्री-वन इलेक्शन म्हळ्यार देशभर लोकसभा आनी विधानसभा वेंचणूक एकाच वेळार.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
