भांगरभूंय | प्रतिनिधी
बिहार, खबरां संस्था: भोलानाथ खान निवृत्त शिक्षक आसात… शंकर खान शेतकार… हेमचंद्र खान भलायकी खात्यांतल्यान निवृत्त जाल्यात… अरविंद खान वेवसाय करताले. आतं गांवांतूच रावतात. तुमकांय हीं नांवां आयकून अजाप जालें? हे लोक जेन्ना गांवच्या भायर वतात तेन्ना तांचीं नांवां आयकून जायत्या लोकांचेर प्रस्न पडटा.
बिहारच्या सहरसा जिल्ह्यांतल्या नगरपंचायत बनगावच्या खुबश्या गांवांनी १५ ते २० हजार हिंदू नागरीक खान आडनांव लायतात. हांगा मिश्रा, झा, चौधरी आडनांवाचे लोक आसात. मात चडशे खान. लोकांच्या मतान, तांच्या पुर्वजांनी मुघलकाळांत आपल्या नांवा मुखार खान आडनांव लावपाक सुरू केलें. हाचे फाटल्यान जायत्यो कथा आसात. मात, खरें कारण कोणाकूच खबर ना. जायत्या पुस्तकांनीय हिंदूंचें आडनांव खान आशिल्ल्याचो उल्लेख आसा. मात, हाचेंय कारण स्पश्ट ना. गांवांत १३३ वर्सां सावन दर आयतारा धर्मसभा आयोजीत करतात. हातूंत सगळ्या धर्माचे लोक वांटेकार जातात. हाची सुरवात मिथिलांचलाचे संतकवी लक्ष्मीनाथ गोस्वामींनी केल्ली.
चलयांचीं लग्नां गांवांतूच जाल्यांत….
बनगांवां वेगवेगळ्या गोत्राचे लोक एकाच गांवांत रावतात. ताका लागून चले-चलयांचें लग्न गांवांगांवांतूच लायतात. भगवती हांगा होळी मनयतात. इतलेंच न्हय दर वर्सा अश्टमीक श्रीकृष्णाची मूर्त करपाक लागपी माती मुस्लीम कुटुंबांतलेच लोक घेवन येतात. ते पयलींच एकामेकां मदीं जापसालदारकी वाटून घेतात. आतां गांवां भायर वचपीय तरणाटे खान आडनांव लायतात. ताका लागून सगळे अजाप जातात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
