भांगरभूंय | प्रतिनिधी
-जिल्लो, सत्र आनी ताचे सकयल्या न्यायालयांचो आस्पावपणजी : 2023 वर्साचे तुळेंत 2024 वर्सा वेगवेगळ्या न्यायालयांंतले खटले दुपेटी परस चड निकालांत काडल्यात. हातूंत जिल्लो, सत्र न्यायालयां आनी ताचे सकयल आशिल्ल्या हेर न्यायालयांचो आस्पाव जाता. ह्या न्यायालयांनी 2023 वर्सा 6,081 खटले निकालांत काडिल्ले. जाल्यार 2024 वर्सा 14 हजार 78 खटले निकालांत काडले. हातूंत उच्च न्यायालयांतल्या खटल्यांचो आस्पाव ना.
मेळिल्ले म्हायती प्रमाण, निवाडो जाल्ल्या वट्ट खटल्यांतले 9,537 उत्तर गोंयचे आनी 4,541 दक्षीण गोंयचे खटले आसात. एका वर्सात 11 हजार 134 फौजदारी आनी 2,944 दिवाणी खटले निकालांत काडल्यात. तातूंतले 8,113 फौजदारी खटले हे उत्तर गोंयांत जाल्यार 3,021 खटले दक्षीण गोंयांतले आशिल्ले. जाल्यार उत्तर गोंयांत 1,424 आनी दक्षीण गोंयांत 1,520 दिवाणी खटले निकालांत काडले.
2023 वर्साचे तुळेंत जिल्हो, सत्र न्यायालयां आनी राज्यांतल्या हेर न्यायालयांनीय प्रलंबीत आशिल्ल्या खटल्यांचो आकडो 2024 वर्सा वाडलाे. 2023 वर्साचे निमाणे कडेन 9,646 प्रकरणां प्रलंबीत आशिल्लीं. 2024 वर्साचे निमाणे मेरेन 15 हजार 904 प्रकरणां प्रलंबीत आशिल्लीं. हातूंत 8,558 गुन्यांवकारी आनी 7346 दिवाणी प्रकरणांचो आस्पाव जाता. 3 जानेवारी 2025 च्या निमाणे मेरेन राज्यांत वट्ट 59 हजार 65 प्रकरणां प्रलंबीत आसात.
पुराय देशाचो विचार केल्यार 2024 वर्सा 1.34 कोटी खटले निकालांत काडले. ह्या 32.65 लाख खटल्यांतले चडशे उत्तर प्रदेशांतले आशिल्ले. ताचे उपरांत तमिळनाडू (17.77 लाख), गुजरात (12 लाख), कर्नाटक (11.78 लाख). 31 डिसेंबर 2024 च्या निमाणे कडेन देशभरांत 1.6 कोटी खटले प्रलंबीत आशिल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
