भांगरभूंय | प्रतिनिधी
नवी दिल्ली, खबरां संस्था ः आतां एका परस चड मोबायलांत एकूच यूपीआय आयडी वापरूं येता. सरकारान यूपीआय अॅपांत ‘यूपीआय सर्कल डेलिगेटेड पेमेंट सर्विस’ हें नवें खाशेलपण सुरू केलां. हें खाशेलपण सुरू केल्यार, तुमकां तुमच्या UPI अॅपांत एक वा चड लोक जोडूंक मेळटले. म्हळ्यार एका यूपीआय खात्यांतल्यान 5 लोक पेमेंट करुंक शकतले. जोडिल्ले सगळे लोक तुमच्या बँक खात्यांतल्यान यूपीआय पेमेंट करपाक शकतात.
यूपीआय सर्कल म्हणल्यार कितें?
यूपीआय सर्कल हो डिजिटल उपाय आसा. जांतूत पेमेंट करपी वापरपी, व्यक्ती कडेन ताच्या यूपीआय खात्या वरवीं गरजेच्या मर्यादे सयत वेव्हार करूंक शकता. हाका लागून दुय्यम वापरप्यांक उण्यांत उण्या हस्तक्षेपान आनी उण्या जोखमीन तांच्या खात्यांतल्यान वेव्हार करपाक मान्यताय दिता.
यूपीआय सर्कलाचो फायदो कितें?
हे सुविधे वरवीं वेगवेगळ्या सुवातींनी रावपी लोकांक एकाच खात्यांतल्यान यूपीआय पेमेंट करपाक मेळटलो. आपत्कालीन स्थितींत वा खातें नासतना लेगीत ताचो चडांत चड फायदो घेवंक मेळटा.
यूपीआय सर्कल कशें सक्रिय करप –
० यूपीआय सर्कल मेनूंत वचात उपरांत ‘Add Family & Add Friend’ पर्यायाचेर क्लिक करात. थंय दुय्यम यूपीआय आयडी घालात.
० मागीर जाचें यूपीआय खातें जोडपाचें आसा. तांचे क्यूआर कोड स्कॅन करात वा तुमच्या संपर्क वळेरेंतल्यान तांचो क्रमांक जोडात.
० परवानगी सेट करात, हांगा तुमकां दोन पर्याय मेळटले. ‘मर्यादे सयत खर्च करात’ आनी ‘दर एका पेमेंट खातीर परवानगी घेयात’.
० दुय्यम वापरप्याक रिक्वेस्ट अप्रूव्ह करपाक नोटिफिकेशन वतले.
० एकदां परवानगी दिले उपरांत दुय्यम वापरपी, प्रायमरी वापरप्याच्या यूपीआय खात्यांतल्यान वेव्हार करपाक शकतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
