भांगरभूंय | प्रतिनिधी
मार्क झुकरबर्ग हांचे नवें खाशेलपण
नवी दिल्ली, खबरां संस्था ः मेटाचो इन्स्टंट मेसेजिंग अॅप ‘व्हॉट्सअॅप’ आपल्या वापरप्यां खातीर ड्युअल अकाउंट खाशेलपण घेवन येता. वापरप्यांक आपल्या फोनाचेर एकाच व्हॉट्सअॅप अॅपांत दोन वेगवेगळ्या क्रमांकांचे खातें तयार करपाक मेळटलें. हें खाशेलपण फेसबूक आनी इंस्टाग्राम सारकिल्ले एकाच अॅपांत दोन खात्यांत लॉग इन करपाचो पर्याय दिता.
मेटाचे सीईओ मार्क झुकरबर्ग हांणी हालींच फेसबूक पोस्टांत व्हॉट्सअॅपाच्या ह्या खाशेलपणाची म्हायती दिली. हाचे वांगडाच ताणें एक स्क्रीनशॉट शेअर केला, तातूंत खातें बदलपाचो पर्याय दाखयला. पेटीएमचे सीईओ आनी संस्थापक विजय शेखर शर्मा हांणी व्हॉट्सअॅपाच्या नव्या खाशेलपणाची तोखणाय केल्या. सोशल मिडिया प्लॅटफॉर्माचेर केल्ल्या पोस्टाक जाप दितना तांणी बरयलां, ‘हें नवें खाशेलपण भारतीय बाजारपेठे खातीर गेम चेंजर जावंक शकता.
ड्युअल व्हॉट्सअॅप कशें काम करतलें?
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
