भांगरभूंय | प्रतिनिधी
राष्ट्रीय उजो पालोवपी दळ दीस 2025 हो उजो पालोवपी सुरक्षेच्या जागृताय आनी तयारेच्या तात्काळपणाचेर भर दिता. भारत दर वर्सा 14 एप्रीलाक राष्ट्रीय उजो पालोवपाचो सेवा दीस मनयता. 1944 वर्साच्या मुंबय डाॅक स्फोटांत मरण आयिल्ल्या धाडसी उजो पालोवपी जवानांक आर्गां ओंपपाक. हो दीस फकत तांच्या शौर्याची याद करून न्हय तर ह्या दिसाची एक बळिश्ट, विसरूंक जायना अशी याद म्हणूनय काम करता. आयच्या नेटान विकसीत जावपी शारी संवसारांत उजो पालोवपाची जागृताय, तयारी आनी प्रतिबंधात्मक रणनितींचें म्हत्व सांगपाचो हो दीस. राष्ट्रीय उजो पालोवपी सेवा दिसा 2025 चो विशय, “युनायट टू इग्नाइट, अ फायर सेफ इंडिया” जो सरकारी संस्था आनी उद्देग ते थळावो समाज आनी व्यक्ती मेरेन सामुहीक जापसालदारकेची तातडीची गरज मुखार हाडटा. उजो पालोवपा बाबतींत जागृत राष्ट्र उबारपाक दरेकल्याची भुमिका आसा.
भारतांत नेटान शारीकरण आनी उद्देगीक विस्तार चालू आशिल्ल्यान उज्या संबंदीत अपघातांचोय धोकोय खूब वाडला. उंच इमारती, वेपारी केंद्रां आनी उद्देगीक संकुलांक लागून उजो पालोवपाचे सुरक्षेच्या कडक नेमाची चड मागणी निर्माण जाल्या. अधिकृत अहवालां प्रमाण दर वर्सा उज्या संबंदीत घडणुकांक लागून हजारांनी लोकांचो जीव वता, तातूंतले जायत्यो घडणुको योग्य जागृताय, तयारी आनी सुरक्षेच्या नेमांक पाळो दिवन आडावंक मेळटात.
अंदूंचे संकल्पनेंत उजो पालोवपी जागृत, सज्ज भारत तयार करपा खातीर सरकारी संस्था, उजो पालोवपी दळ, उद्देग, आनी नागरिकां मदीं सहकार्यान यत्न करपाची गरज आसा, हाचेर भर दिला. प्रगत तंत्रज्ञान एकठांय करप, समुदाय सहभाग आनी कडक उजो पालोवपी सुरक्षेच्या नेमांक पाळो दिवप हांचो आस्पाव आशिल्ली सक्रिय पद्दत सगळ्या मळां वयल्या उज्याचो धोको उणो करपाक म्हत्वाची आसा
गोंयचें उजो पालोवपी आनी आपत्कालीन सेवा संचालनालय, उजो आळाबंदा हाडपाच्या सप्तकांत म्हणल्यार 14 ते 20 एप्रील 2025 ह्या काळांत प्रभावी कार्यावळींच्या माळे वरवीं उजो पालोवपाचे सुरक्षेक चालना दिवपाच्या राष्ट्रीय मिशनांत सामील जाता, तातूंत:
शाळा, कामाच्या सुवातींनी, आनी निवासी संकुलांत उजो पालोवपाचो अभ्यासक्रम : विद्यार्थ्यांक, कर्मचाऱ्यांक, आनी रहिवाशांचेर उजो पालोवपाचे सुरक्षेचें प्रशिक्षण दिवपा खातीर परस्पर संवादात्मक सत्रां घडोवन हाडटलें. तंत्रां, उजो पालोवपी यंत्रांचो योग्य वापर, वाठार रिकामे करपाचे नेम आनी आपत्कालीन पयल्या प्रतिसादाचे उपाय हांचो आस्पाव जाता.
उजो पालोवपा विशीं भौशीक जागृताय मोहीम : सोशल मिडिया, प्रिंट माध्यम, आनी समुदाय कार्यशाळां वरवीं भौशीक प्रसार कार्यावळींनी उज्याच्यो घडणुको आडावपाक येवपी अपघात उणे करपा खातीर सुरक्षेच्यो पद्दती.
उजो सुरक्षीतताय तंत्रज्ञान प्रदर्शनां: उजो सोदून काडप, पालोवप, आनी सुटकेच्या उपकरणांतल्या नवीनतम प्रगतीचें प्रदर्शन करून तांकां भौशीक आनी खाजगी आस्थापनांनी व्यापकपणान आपणावंक प्रोत्साहन दिवप.
उजो पालोवपी दळाच्या समर्पण आनी शौर्याक मान दिवप: उजो पालोवपी दळाच्या निस्वार्थी सेवेक आनी तांची जिवीत आनी मालमत्तेची राखण करपाक, सुरक्षेचे नेम चालीक लावपाक सरकारी यंत्रणा आनी उजो पालोवपी दळांची म्हत्वाची भुमिका आसता, जाल्यार सुरक्षीत वातावरण तयार करपाक व्यक्तींनी आनी समाजांनीय सक्रीयपणान वांटो घेवचो पडटलो. मुळाव्यो पावलां जशीं:
विद्युत वायरींग आनी उपकरणांची नियमित तपासणी: दोशी विद्युत प्रणाली हें उजो लागपाचें एक मुखेल कारण; नेमान तपासणी केल्यार धोके, शक्यताय आडावंक मेळटा.
उजो पालोवपाचीं उपकरणां स्थापन करप : घरां, कार्यालयां, आनी उद्देगीक युनिटांनी उजो पालोवपी उपकरणां, गजर आनी उजो पालोवपाची यंत्रणा आसपाक जाय.
बांदकामांत उजो पालोवपी संहितेचें पालन करप : बांदकाम करपी आनी मालमत्तेच्या मालकांनी उजो पालोवपाची खात्री करपा खातीर राष्ट्रीय उजो सुरक्षेच्या नेमांक पाळो दिवचो पडटलो आनीआपत्कालीन भायर सरपाचे योग्य मार्ग तयार करचे पडटले.
उजो पालोवपाच्या सुरक्षेच्या अभ्यासांत वांटो घेवप: आणीबाणीच्या वेळार तांची तयारी वाडोवपा खातीर कर्मचाऱ्यांनी आनी रहिवाशांनी वेळोवेळ उजो पालोवपी सुरक्षेच्या प्रशिक्षणांत वांटो घेवचो.
कुटुंब आनी शेजाऱ्यां मदीं जागृताय पातळावप: उजो पालोवपाच्या मुळाव्या उपायांचेर हेरांक शिक्षण दिवप उज्या संबंदीत आणीबाणी हाताळपाक चड सुसज्ज समुदाय तयार करपाक मदत करूंक शकता.
भारत राष्ट्रीय उजो पालोवपी सेवा दीस 2025 पाळटा तेन्ना उजो पालोवपाची सुरक्षीतताय ही फकत उजो पालोवपी दळांचें कर्तव्य न्हय तर सामुहीक जापसालदारकी आसा हें मान्य करप गरजेचें आसा. वेगवेगळ्या भागधारकां मदीं सहकार्याक पोसवण दिवन- धोरण आंखपी, वेवसाय, थळावे अधिकारी आनी भौसा सयत-आमी सगळ्या क्षेत्रांनी उजो आडावपाचीं रणनिती प्रभावीपणान चालीक लायतात हाची खात्री करूंक शकतात.
प्रगत सुरक्षेच्या तंत्रगिन्यानाक वेंगावन, नेमांक पाळो दिवन आनी जागृताय वाडोवन भारत उज्या संबंदीत घडणुको सामक्योच उण्यो करूंक शकतात आनी जिवांची राखण करूंक शकता आनी मालमत्ताय वाटावंक शकता. ह्या राष्ट्रीय उजो पालोवपी सेवा दिसा, आमी उजो पालोवपी सुरक्षे विशीं आमची वचनबद्धताय परतून पुष्टी करूंया आनी उज्याचो धोको उणो, सुरक्षेचे मानक उंचायेचे, आनी समाज चड तयार आशिल्ल्या फुडारा खातीर एकठांय काम करया.
हो दीस आमच्या धाडसी उजो पालोवपी दळांक- फ्रंटलायन डिफेन्साक मान दिवपाचीय संद. हेरांची राखण करपा खातीर आपलो जीव धोक्यांत घालपी जवान, तांचें समर्पण आमच्या आपत्कालीन प्रतिसाद चौकटीचो एक नीस आनी तांकां आमचो खोलायेन आनी अखंड आदार फावो.
उजो पालोवपाची सुरक्षीतताय ही एक एकट्याची जापसालदारकी न्हय हाची एक बळिश्ट याद करून दिवपी ह्या वर्साचो विशय. एकवट, जागृताय आनी सक्रिय कृती करपाची गरज आशिल्लें हें एक राष्ट्रीय मिशन. एकठांय काम करून-सुरक्षेचे नेम आपणावन, शिक्षणाक चालना दिवन आनी आमच्या आपत्कालीन सेवांक आदार दिवन- आमी सुरक्षीत, बळिश्ट आनी लवचीक भारत सुरक्षीत दवरपाक शकतात.
उजो पालोवपाचे सुरक्षेक प्राधान्य दिवपाचें उतर दिवया, स्वताक आनी हेरांक शिक्षण दिवया आनी सुरक्षीत आनी लवचीक भारत तयार करपाक योगदान दिवया. आमी सगळे मेळून उज्याची दुख्खद घडणूक आडावंक शकतात. एकठांय येवन आमी उजो सुरक्षीत भारत तयार करूंक शकतात.
नितीन व्ही रायकार, संचालक,
उजो पालोवपी आनी आपत्कालीन सेवा संचालनालय
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
