भांगरभूंय | प्रतिनिधी
पणजी : गोंय सरकाराच्या ऑनलायन सेवां खातीर ईन सेवांसाठी एआय चॅटबॉट सुरू केलें. हाका लागून नागरिकांक येवपी आडमेळीं सोडोवपाक मजत जातली. तशेंच ऑनलायन सेवा मेळप अदीक सुरळीत जावपाचें प्रतिपादन मुख्यमंत्री डॉ प्रमोद सावंत हांणी केलें. मंगळारा पणजे जाल्ले कायारवळींत ते उलयताले. ह्या वेळार आयटी मंत्री रोहन खंवटे, संचालक कबीर शिरगांवकार, जीईएलच्या मुख्य कार्यकारी अधिकारी रेवती कुमार आनी हेर अधिकारी आशिल्ले.
मुख्यमंत्र्यांनी सांगलें, चॅटबॉट गोंयच्या डिजिटल प्रवासांतलो एक फुडलो टप्पो आसा.
गोंय ऑनलायन हे संकेतथळार एआय चॅटबॉट उपलब्ध करून दिले. हाका लागून संकेतथळार १५० परस चड ऑनलायन सेवा गतीन मेळटले. लोकांक मेळपी सेवा अदीक पारदर्शी जातलें. प्रशासन सरळ लोकां मेरेन पावयतले. तशेंच हाका लागून सरकारी येवजण्यांची म्हायती लोकां मेरेन पावोवपाकय मजत जातली.
प्रधानमंत्री नरेंद्र मोदींनी एआय वा हेर तंत्रज्ञाना वरवीं नागरीक केंद्रीय सेवा दिवपाचो उलो मारलो. गोंयांत अश्यो सेवा सुरू जाल्ल्याचो आमकां अभिमान आसा. जापसालदार, सुरक्षीत आनी आसपावपी एआय तयार करपा खातीर आमी कटिबद्ध आसात. आयज सुरू जाल्लो उपक्रम ताचेंच प्रतीक. नागरिकांनी ह्या चॅट बोटचो वापर करचो. हे विशीं कांय सुचवण्यो, अभिप्राय आसल्यार तें खात्याक धाडचें. खात्या वतीन ताचेर विचार करतले.
बेगीनूच सगल्या खात्यां खातीर चॅटबॉट
मंत्री रोहन खंवटे हांणी, एआय चॅटबॉटाक लागून कर्मचार्यांवेलो कामाचो ताण उणो जातलो. सध्या चॅटबॉट गोवा ऑनलायन वेबसायटीचेर २७ खात्यांच्या सुविधां खातीर उपलब्ध करून दिलां. फुडाराक सगल्या सरकारी खात्यां खातीर चॅटबॉट उपलब्ध करतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
