भांगरभूंय | प्रतिनिधी
नवी दिल्ली, खबरां संस्था: युट्यूबा आतां आपल्या जोड विशींच्या धोरणांत (monetization policy) व्हड बदल करता. जाका लागून सेगीत तेच तेच वा एआय वरवीं तयार केल्ले व्हिडियो करप्यांचेर कारवाय करतले. हो बदल 15 जुलय सावन लागू जातो. हाचो हेतू, अशे व्हिडियो वळखप, जे मूळ (आॅरिजिनल) नात आनी जे फकत व्ह्यूज मेळोवपा खातीर करतात.
मूळ आशय (कंटेंट) उर्बा दितले
गुगलच्या ह्या प्लॅटफॉर्मान म्हायती दिल्या ते प्रमाण, युट्यूब पार्टनर प्रोग्राम (YPP) खाला व्हडा प्रमाणार तयार केल्ले आनी तेच तेच व्हिडिओ वळखुपाची आनी तांची मोलावणी करपाची प्रक्रिया आतां अदीक खर जातली. कंपनीच्या म्हणण्या प्रमाण, युट्यूबान सदांच मूळ आनी अस्सल आशयाक उर्बा दिल्या. हें धोरण तेच दिकेन मारिल्लें आनीक एक पावल जावन आसा.
युट्यूबाचे नवे नेम कितें आसात?
युट्यूबाच्या जोड विशींच्या धोरणांत स्पश्ट केलां की, युट्यूबावेल्यान पयशें जोडपी सगल्या निर्मात्यां कडेन मूळ आशय आसप गरजेचें. नवें धोरण दोन गजालींचेर विशेश भर दिता.
आशयाची अस्सलताय (Originality of content) : दुसर्याचो आशय व्हड बदलां बगर वापरपाक मेळचो ना. जर तो घेतलो जाल्यार तातूंत बदल करप गरजेचें आसा, जातूंत तो नवो दिसचो आनी तो तुमचो स्वताचो आसचो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
