भांगरभूंय | प्रतिनिधी
पणजी : सेंट्रलइन्स्ट्स्टियूट ऑफ एज्युकेशनटेक्नॉलॉजी (सीआयईटी) वतीन आिर्ट्फिशियलइंटेल्जिन्स (एआय) चो वापर आनी गैरवापरा विशीं पालकां मदीं जागृकताय निर्माण करपा खातीर विशेश ऑनलायन कार्यशाळा आयोजीत केल्या. ही कार्यशाळा गोंयां सयत देशभरांतल्या पालकां खातीर उक्ती आसा.
कार्यशाळा आयच्यान सुरू जाल्या, ८ नोव्हेंबर तशेंच १४ आनी १५ नोव्हेंबर ह्या दिसा सकाळीं ११ ते दनपरां १२ वरां मेरेन जाता. हे खातीर शिक्षणीक संस्था, शिक्षक आनी पालक यूट्यूब लिंका वरवीं वाटेकार जावपाक शकतात.
ह्या उपक्रमा फाटलो हेत, पालक आनी शिक्षकांनी भुरग्यांक एआयच्या योग्य वापरा विशीं मार्गदर्शन करचें आनी ताच्या वायट वापरा पसून पयस दवरचें. भुरग्यांचे शिक्षणीक उदरगती खातीर एआयचो सकारात्मक वापर कसो करपाक मेळटलो हाची म्हायती दिवप, तशेंच तंत्रज्ञानाचो जापसालदारकेन वापर करपाची संवय लावप, हो हे कार्यशाळेचो मुखेल हेतू जावन आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
