भांगरभूंय | प्रतिनिधी
मनू भाकर आनी सरबज्योत सिंग हांची तोखणायेची कामगिरी
पॅरीस, खबरां संस्था ः मनू भाकर आनी सरबज्योत सिंग हांणी पॅरिस ऑलिम्पिकांत दक्षीण कोरिये आड 10 मिटर एअर पिस्तुल मिश्र सांघिक नेमबाजी सर्तींत कांशां पदक जिखलें. एकाच ऑलिम्पिकांत दोन पदकां जिखपी मनू पयली भारतीय खेळगडी थारली.
पॅरिस ऑलिंपिकाच्या चवथ्या दिसा भारतीय नेमबाज मनू भाकर हिणें दुसरें पदक मेळोवन इतिहास रचलो.
https://www.facebook.com/bhaangarbhui/videos/1637621950153881
10 मीटर एअर पिस्तुल मिश्र सांघिक नेमबाजी सर्तींत भारताची मनू भाकर आनी सरबजोत सिंग हांचें जोडयेन अजापीत करपी कामगिरी केल्ल्यान भारतीयां खातीर व्हड अभिमानाची गजाल. कोरियन जोडयेक हारोवन ह्या भारतीय जोडयेन कांशां पदक मेळयलें. हाचे आदीं मनू भाकर हिणें हेच सर्तीच्या बायलांच्या एकेरी सर्तींत कांशां पदक जिखिल्ले. एकाच ऑलिम्पिकांत दोन पदकां जिखपी मनू पयली भारतीय खेळगडी थारली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
