भांगरभूंय | प्रतिनिधी
जयपूर, खबरां संस्था: शेनवारा सांजवेळा दुबय सावन जयपूराक येवपी एअर इंडिया एक्सप्रेस विमानाची एसी मोडिल्ल्यान प्रवाशांक बरेच त्रास सोंसचे पडले. शेनवारा सांजेवेळार सुमार ७:२५ वरांचेर दुबयच्यान जयपुराक येवपी फ्लायट वट्ट ५.२० वरां उसरां रातच्या १२:४५ वरांचेर भायर सरली. विमानतळावेल्यान मेळिल्ले म्हायती प्रमाण, हें प्रकरण एअर इंडिया एक्सप्रेसच्या विमान नंबर IX-196 चें जावन आसा. हातूंत दुबयच्यान जयपुराक येवपी १५० परस चड प्रवासी एसी बगर ५ वरां विमानांत बशिल्ले.
तांत्रीक इबाडाक लागून विमान उड्डाण करंक शकलें ना. १४ जुनाक हे विमान सांजेवेळार ७.२५ वरांचेर दुबायच्यान जयपुराक येतालें. हें विमान दुबयच्यान जयपुराक येतालें. तांत्रीक इबाडाक लागून तें नियोजीत वेळा प्रमाण उड्डाण करपाक शकलें ना. प्रवाशांक ५ वरां परस चड काळ विमानांत बसून रावचें पडलें. ह्या काळांत विमानाचे एअर कंडिशनर (एसी) सुरू जावंक ना, प्रवाशांक उदक वा हेर जेवण दिवंक ना.
जयपुराक येवपी सोशल मीडिया इन्फ्लुएंसर आरजू सेठी हांणी हे पुराय घडणुकेचो व्हिडिओ सोशल मीडियाचेर शेअर केलो आनी एअर इंडिया एक्सप्रेसचो प्रवास भिरांकूळ आशिल्ल्याचें म्हणलें. तांणी सांगलें, प्रवाशांक गर्मेन त्रास जातालो आनी ते घामाने भिजिल्ले. विमानांतले सगले प्रवासी दिसाळीं/ मासिकांनी स्वताला वारें दिताले. आमी मजत मागली तेन्ना विमानांतल्या कर्मचार्यांनी आमकां उदकूय दिवंक ना.
दिल्लीच्या इबाडिल्ल्या हवामानाक लागून
दुसरे कडेन, आयतारा दिल्लीच्या वायट हवामानाक लागून दिल्लीक येवपी एक देशांतर्गत विमान जयपुराक वळयलें. पुण्याक सावन दिल्लीक वचपी एअर इंडियाचें विमान IX-1144 आयतारा सकाळीं ३:३५ वरांचेर जयपुराक पावले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
