भांगरभूंय | प्रतिनिधी
मुंबय, खबरां संस्था: थायलंडच्या फुकेट आंतरराष्ट्रीय विमानतळार एअर इंडियाच्या विमान AI-379चें आपत्कालीन लँडींग केलें. विमानांत बॉम्ब आशिल्ल्याची म्हायती मेळिल्ली. विमानांत १५६ लोक आशिल्ले. हें विमान फुकेटच्यान दिल्लीक येतालें.
खबरां संस्था रॉयटर्सान फ्लायट ट्रॅकर ’फ्लायट्रेडर २४’ च्या हवाल्यान सांगलें, एअर इंडियाच्या विमानान भारतीय वेळे प्रमाण सकाळीं ९.३० वरांचेर (थळाव्या वेळा प्रमाण दनपरां २.३० वरांचेर फुकेट विमानतळा वेल्यान उड्डाण केलें. विमान अंदमान दर्यादेगेर एक व्हड रावंड मारीत आनी उपरांत फुकेटांत आपत्कालीन लँडिंग केलें.
नेशन थायलंडान सांगलें, बॉम्बची धमकी मेळटांच, फुकेट विमानतळान विमानतळ अकस्मात येवजण (ACP) सक्रिय केली. विमानतळ अधिकार्यांनी सांगलें, धोक्या विशीं सगलीं गरजेचीं पावलां उखल्ल्यांत. अदीक म्हायती मेळ्ळे उपरांत अपडेट दितले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
