भांगरभूंय | प्रतिनिधी
टाटा गटाचे एअर इंडिया हे विमान कंपनीन जपानाचे एसएमबीसी बँके कडल्यान (Sumitomo Mitsui Banking Corporation) व्हडा प्रमाणांत रीण घेतलां. ह्या रिणाचो उपेग एअरबस कडल्यान विमानां घेवपा खातीर करतले. एअर इंडिया आतां आपल्या नमन्यां मदीं जायत्या नव्या विमानांचो आसपाव करून घेतलें.
रीण कशें मेळ्ळें?
एसएमबीसीन टाटा ग्रुप एव्हिएशन कंपनीक 12 कोटी डॉलर रीण दिलां. एअर इंडियान विकतें घेतिल्ल्या A350- 900 विमानांकय ह्या रिणान अंशतः अर्थीक आदार मेळ्ळो. जें ऑक्टोबर 2023 वर्सा दिलां. एसएमबीसीन हें रीण आपल्या सिंगापूर शाखे वरवीं सुरक्षीत पत सुविधा म्हणून दिलां. हें रीण एअर इंडिया वतीन गिफ्ट सिटींत मुखेल कार्यालय आशिल्ल्या एआय फ्लीट सर्विसेस हे कंपनीन घेतलां.
एअरबसाक ह्या विमानांची ऑर्डर
एअरबस A350- 900 विमानाक 30 कोटी डॉलरां परस चड खर्च येता. एअर इंडियान हालींच बोईंग आनी एअरबस कंपनी कडल्यान 470 विमानां विकतीं घेवन आपली विमान सेवा वाडोवपाची घोशणा केल्ली. हाचे खाला एअर इंडियाक विमानांची डिलिवरी जावपी सुरू जालां. कंपनीन एअरबसा कडल्यान 210 A320 आनी 40 A350 विमानांची ऑर्डर दिल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
