भांगरभूंय | प्रतिनिधी
भारतीय रेल्वेन खाणा-जेवणाच्या नेमांत व्हड बदल केला. आतां मुखेल रेल्वे स्टेशनां वयल्यान नामनेच्या आंतरराष्ट्रीय आनी देशी खाणां-जेवणाच्या ब्रँडांचीं ल्हान दुकानां उक्तीं जातलीं. हाचे वरवीं प्रवाशांक परंपरीक च्या-नाश्त्या भायर वचून मॅकडोनाल्ड्स बर्गर, केएफसी चिकन वा पिझ्झा हट पिझ्झा सारकिले रुचीक पदार्थ खावपाक मेळटले. दक्षीण मध्य रेल्वेच्या सुचोवण्यां प्रमाण हो निर्णय घेतला आनी तो सगल्या रेल्वे वाठारांनी लागू जातलो. हाका लागून आतां दर दिसा १० लाखां परस चड जेवण दिवपी रेल्वे वेवस्थेंत प्रीमियम पर्याय जोडटले.
प्रीमियम ब्रँड्स पावतले स्टेशनाचेर
रेल्वे मंडळान ‘प्रीमियम ब्रँड कॅटरींग आवटलेट’ हो नवो वर्ग सुरू केला. पयलीं फकत च्या स्टॉल, दुदाचे बार वा जूस बार सारके सादे पर्याय मेळटाले. आतां मॅकडोनाल्ड्स, केएफसी, पिझ्झा हट, बास्कीन रॉबिन्स, हल्दीराम, बीकानेरवाला ह्या ब्रँडांक स्टेशनाच्या वाठारांत दुकानां उगडपाक मेळटलीं. हें आवटलेट कंपनी वा फ्रँचायजी वरवीं चलयतले आनी विमानतळां प्रमाण सुविधा आसतली. तोखणायेची गजाल म्हळ्यार हीं दुकानां सुदारीत गर्दी आनी १३०० स्टेशनां मेरेन मर्यादीत आसतलीं.
ई-पावणे वरवीं पांच वर्सांचो कंत्राट
ह्या नव्या दुकानां खातीर रेल्वेन ई-पावणी प्रक्रिया जाहीर केल्या. ते खातीर वेगळो विभाग तयार करतले, तातूंत सगळ्यो बोली पारदर्शकपणान करतले. दरेक आवटलेट हेर स्टॉलां प्रमाण पांच वर्सां खातीर दितले. परवानगी शुल्क, कंत्राटाच्यो अटी आनी हेर नेम सद्याच्या धोरणांतलेच उरतले. हाका लागून रेल्वेक अतिरिक्त येणावळ मेळटली, जाल्यार ब्रँडांक नवी बाजारपेठ मेळटली. कोटा पद्दत (एससी/एसटी/ओबीसी खातीर राखून दवरल्या) हाचेर परिणाम जावचो ना.
क्यूएसआर कंपनीं खातीर भांगराळी संद
क्विक सर्विस रेस्टॉरंट (क्यूएसआर) मळा खातीर ही एक बरी खबर. भारतांतल्या क्यूएसआर बाजारपेठेची किंमत २०२५ वर्सा २.५ अब्ज डॉलर आसतली आनी २०३० मेरेन ती दुपेटीन जावपाची शक्यताय आसा अशें केपीएमजीच्या अहवालांत म्हणलां. वेस्टलायफ फुडवॉर्ड (मॅकडोनाल्ड्स आनी हार्डी), सॅफायर फुड्स (केएफसी आनी पिझ्झा हट) ह्या कंपनींक स्टेशनां वयल्यान विस्तार करपाची संद मेळटली. तज्ञांच्या म्हणण्या प्रमाण दर वर्सा रेल्वे प्रवाशांचो आंकडो वाडतूच आशिल्ल्यान ह्या कंपनींचें उत्पन्न १०-१५ टक्क्यांनी वाडपाक शकता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
