भांगरभूंय | प्रतिनिधी
मुंबय, खबरां संस्था ः रिलायन्स जिओ आयज 19 सप्टेंबराक अॅर फायबर लाँच करतलो. ताची इंटरनेट स्पीड 1.5 जीबीपीएस इतली आसतली. ताचें मोल 6000 रुपया आसूं शकता. रिलायन्स इंडस्ट्रीज लिमिटेडाचे अध्यक्ष मुकेश अंबानी हांणी 28 ऑगस्टाक जाल्ले 46 वे वर्सुकी सर्वसाधारण सभेत (AGM) गणेश चतुर्थी दिसा तो लाँच करपाची घोशणा केल्ली.
मेळिल्ले म्हायती प्रमाण, जीओ अॅर फायबर हो 1.5 जीबीपीएस मेरेन इंटरनेट स्पीड दितलो. सध्याचो जीओ फायबर 1 जीबीपीएस स्पीड दिता. मात हो वेग नेटवर्काचेर अवलंबून आसतलो. ह्या नव्या फायबराचें मोल स हजार रुपया आसूं येता. तातूंत सिक्युरिटी मनीचोय आसपाव आसा.
एअर फायबर खंयूय व्हरपाक मेळटा
अॅर फायबराचे खाशेलेंपण म्हणल्यार तो वापरपी खंयूय व्हरपाक शकता आनी केन्नाय वापरूंक शकतात. मात थंय 5G कनेक्टिव्हिटी आसपाक जाय. रिलायन्स जिओच्या म्हणण्या प्रमाण तांचो अॅर फायबर प्रवासांत पसून ब्रॉडबँड सारको वेग दिवपाक शकता.
जिओ फायबर आनी जिओ अॅर फायबर- फरक कितें?
जिओ फायबर ऑप्टिक वायर तंत्रज्ञानाचेर आदारीत आसा. इंटरनेट मेळपाक, कंपनी घर/ ऑफिसांत रावटर बसयता. ताका ऑप्टिक वायर जोडटा. मागीर, फायबर स्थिर हाय-स्पीड इंटरनेट सेवा दिता.
जिओ अॅर फायबरा वरवीं वायरलेस ब्रॉडबँड सेवा दितले. तें वायरलेस डोंगला सारकें काम करता. पूण इंटरनेटाचो वेग चड आसतलो. हाका बुन्यादी सुविधांची गरज ना.
एअरटेलाचें एक्सट्रीम अॅर फायबर
एअरटेलने तीन आठवड्यां पयलीं दिल्ली आनी मुंबय एक्स्ट्रीम अॅर फायबर लॉन्च केलां. कंपनीचो दावा आसा, तांचें फायबर वाय-फाय 5 रावटरा परस 50% वेगवान इंटरनेट स्पीड दिता. मात ते देशांत आनीक खंय मेळटले तें एअरटेलान सांगूंक ना.
ह्या सगल्या फायबरां खातीर इंटरनेट स्पूलींग जावचें ना. डावनलोड, अपलोड फटाफट जातलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
