भांगरभूंय | प्रतिनिधी
भांगरभूंय । खबरां मेज
पणजीः ऍर इंडिया एक्स्प्रेस ह्या भारतांतल्या पयल्या आंतरराष्ट्रीय बजेट विमान कंपनीन दाबोळी विमानतळा वयल्यान गोंय तें दुबय हे आपले थेट सेवेक सोमारच्यान सुरवात केली. सोमार, शेनवार आनी आयतार अशे तीन दीस गोंयच्यान आनी बुधवार, शुक्रार आनी आयतार अशे तीन दीस दुबयच्यान गोंय अशी ही सेवा आसतली.
आयएक्स 840 ह्या पयल्या विमानान सोमाराक मध्यानरातीं 1 वरांचेर 140 प्रवाश्यां सयत दुबय खातीर उड्डाण केलें. ह्या वेळार ऍर इंडिया एक्स्पेस आनी ऍर एशिया इंडियाचे वेवस्थापकीय संचालक अलोक सिंग हाजीर आशिल्ले. ऍर एक्स्पेस बॅनरा खाला गोंयांतल्यान पयली आंतरराष्ट्रीय सेवा सुरू करतना आमकां सामकी खोस जाता. दुबय तें गोंय हवाई मार्गार थेट कनेक्टिव्हिटी उपलब्द करून दिवपी पयली विमानसेवा आशिल्ल्याचो आमकां अभिमान दिसता. ऍर एशिया इंडियाचें इंडिया एक्स्पेसांत विलिनीकरण जातले. ही कंपनी सध्या गोंयां सावन आनी गोंयां मेरेन दिसपट्टी 13 विमान उड्डाणा करून पांच देशांतल्या शारांक जोडटा अशें तांणी ह्या वेळार सांगलें.
गोंयांतल्या सोमार, बिरेस्तार, शेनवार आनी आयतारा फांतोडेर 1 आनी 2.55 वरांचेर विमाना सुट्टली जाल्यार दुबयच्यान बुधवार, शुक्रार, शेनवार आनी आयतारा थळाव्या वेळा प्रमाण सांजे 6.05 आनी रातां 10.55 वराचेर विमान उड्डाणां जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
