भांगरभूंय | प्रतिनिधी
नवी दिल्ली, खबरां संस्था ः ऊसाच्या रोसापसून वा ऊसांतल्यान इथेनॉल तयार करपाचेर आशिल्ले निर्बंध केंद्र सरकारान काडून उडयल्यात आनी देशभरांतल्या कारखान्यांत उरिल्ल्या सुमार तीन हजार कोटींचे इथेनॉल घेवपाचो आदेश पेट्रोलियम कंपनींक दिला. ते प्रमाण राज्यांतल्या पेट्रोलियम कंपनींनी सुमार 1100 कोटींचें इथेनॉल खरेदी करपाची प्रक्रिया सुरू केल्या आनी ताचे खातीर निविदाय काडल्यात अशी म्हायती मंत्रालयाच्या वरिश्ठ अधिकाऱ्यान दिली.
देशांत साकरेचो उणाव आनी साकरेच्या दरांत उतार- चडाव जावचो न्हय हे खातीर केंद्र सरकारान 6 डिसेंबर 2023 दिसा ऊसाच्या रोसांतल्यान आनी बी-हेवी मोलायसेस पसून इथेनॉल तयार करप आनी खरेदी करपाचेर बंदी घातिल्ली. केंद्रान ही बंदी घाली त्या वेळार देशांत सुमार पांच ते सात लाख टन बी- हेवी मोलायसेस उरिल्लो.
पयल्या टप्प्यांत 66 कोटी लिटर खरेदी
देशांत साकरेचो हंगाम सोंपतकच आतां हो निर्बंध काडून उडयला आनी देशभरांतल्या कारखान्यांनी उसाच्या रोसांतल्यान आनी उसांतल्यान तयार केल्लें इथेनॉल विकतें घेवपाचो आदेश पेट्रोलियम कंपनींक दिला. ते प्रमाण इंडियन आयल कॉर्पोरेशन, भारत पेट्रोलियम, हिंदुस्तान पेट्रोलियम, मंगलोर रिफायनरी अँड पेट्रोकेमिकल्स लिमीटेड ह्या तेल कंपन्यांनी पयल्या टप्प्यांत सुमार 66 कोटी लिटर इथेनॉल खरेदी करपाची निविदा जारी केल्या आनी ते प्रमाण कारखान्यांक आपली निविदा सादर करची पडटली.
सध्या कारखान्यांत उरिल्ल्या उस आनी उसाच्या रोसा पसून इथेनॉल तयार करून तेल कंपनींक ताची पुरवण करपाची आसा. हाचे खातीर दर निविदा वरवीं कारखान्यांक भरचो पडटलो. ह्या निर्णयाक लागून साकर उद्देगाक थाकाय मेळ्ळ्या अशें साकर संघाचे वेवस्थापकीय संचालक संजय खताळ हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
