भांगरभूंय | प्रतिनिधी
भांगरभूंय । प्रतिनिधी
फोंडेंः उसगांव हांगाचे विद्याभारतीच्या सरस्वती शिशू वाटिकेंत श्रीराम मूर्ती प्रतिश्ठापने निमतान भुरग्यांची भेसवण कार्यावळ जाली. रामायणांतल्या व्यक्तिरेखां भशेन भेस करून सुमार 45 भुरग्यांनी तातूंत वांटो घेतलो. सर्वोदय विद्यालय तें उसगांव मेरेन फेरी काडली, उपरांत उसगांवकार हांच्या घरा सामकार कार्यावळ जाली.
कार्यावळींत सर्वोदय उच्च माध्यमीक विद्यालायची पीटी शिक्षिका सुषमा गोब्रे, पालक शिक्षक संघाची अध्यक्ष आरती शेखर प्रभू, कार्यावळ अध्यक्ष पूर्णा मंदार गांवकार, रिमा सखाराम महाले आनी सुचिता गितेस देसाय हाजीर आशिल्ली. कार्यावळीचें सूत्रसंचालन स्मिता च्यारी हिणे केले जाल्यार पूर्णा गांवकारान उपकार मानले. ह्या वेळार ग्रामस्थ, पालक, उच्च माध्यमीक विद्यालयाचे विद्यार्थी आनी शिक्षक हाजीर आशिल्ले. संजवी घोलकार आनी सुचिता गाळ्येकारान शांती पाठ म्हणून कार्यावळीचो समारोप केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
