भांगरभूंय | प्रतिनिधी
फोंडें: उसगांव – गांजे पंचायतीच्या सरपंचपदार राजेंद्र नायक हांची विरोधाविणें निवड जाली. सोमारा सकाळीं जाल्ले बसकेंत राजेंद्र नायक हांचो एकूच अर्जदाखल जाल्ल्यान तांची विरोधाविणें निवड केल्ल्याची घोशणा गट विकास कार्यलयचे अधिकारी बाबू नायक हांणी केली.
प्रकाश उर्फ संजय गावडे हांणी आपल्या पदाचो राजिनामो दिले उपरांत हें सरपंचपद रितें जाल्लें. सोमारा जाल्ले बसकेंत राजेंद्र नायक हांणी पदा खातीर अर्ज दाखल केल्लो. सरपंच पदा खातीर एकूच अर्जआयिल्ल्यान गटविकास अधिकारी कार्यालयाच्या अधिकार्यांनी ताची विरोधाविणें निवड जाहीर केली. सरपंच पदार निवड जाल्ले खातीर राजेंद्र नायक हांकां गांवांतल्या लोकांनी परबीं भेटयलीं.
सरपंच राजेंद्र नायक हांणी, पंचायत मंडळाक विस्वासांत घेवन उदरगतीच्या कामाक प्राधान्य दितले. तशेंच प्रलंबीत उदरगतीचीं कामां पुराय करपाचो यत्न करतलों. थळावे आमदार तशेंच भलायकी मंत्री विश्वजीत राणे हांच्या मार्गदर्शनाखाला लोकांच्यो समस्या सोडोवपाचो यत्न करतलों.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
