भांगरभूंय | प्रतिनिधी
एकल्याक वाटायलो : पिकनीक भुजली
भांगरभूंय । प्रतिनिधी
फोंडें : उसगांव गांजे न्हंयेंत प्रकाश शंकरप्पा हडपद (20) हो विद्यार्थी आनी शर्नप्पा संगप्पा हडपद (20. दोगूय रा. खडपाबांद फोंडें, मूळ कर्नाटक) बुडले. जाल्यार तांचे वांगडा बुडपी एका तरणाट्याक थळाव्या लोकांनी वाटायलो.
शुक्रारा दनपारच्या 3.30 वरांच्या सुमाराक ही घडणूक घडली. होळी उत्सव मनोवपाक तशेंच कालोरा पसून थाकाय मेळोवपाक सुमार 40 वांगड्यांचे पंगड उसगांव गांजे न्हंयेचेर धरणा लागसार पिकनिकेक आयिल्ले. तातूंतले कांय जाण न्हंयेंत न्हावपाचो आनंद घेताले. अचकीत तीग तरणाटे बुचकाळपाक लागले. हें दिसताच थळाव्या लोकांनी उडी मारून तातूंतल्या एकल्याक वयर काडलो, पूण दोगांक मात वाटावपाक शकले नात. बुचकळिल्ल्या तिगांकूय पिळये उसगांव धारबांदोडें भलायकी केंद्रांत दाखल केले. थंय दोगांक आदींच मरण आयिल्ल्याचें जाहीर केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
