भांगरभूंय | प्रतिनिधी
पणजी : बेकायदो सोरो तस्करी प्रकरणांत गुन्यांव फांट्यान उसगांवां धाड घालून व्हड कारवाय केली. हातूंत २ कंटेनरांतल्यान कोट्यांनी रुपयांचो सोरो जप्त केलो आनी चार जाणांनी ताब्यांत घेतले. तशेंच विवीध राज्यांतल्यो २९ बनावट वाहन नंबर प्लेटीय जप्त केल्यो.
जप्त केल्ल्या सांठ्यांत ७५० एमएलच्यो १२ बाटल्यो आशिल्लीं ५१० बॉक्सां सांपडलीं. १८० एमएलच्या १४८ बाटल्यांचो आसपाव आसा. विवीध राज्यांतली नोंदणी आशिल्ले २९ बनावट वाहन क्रमांक प्लेट्स सांपडले.
सोरो तस्करी करपा खातीर ह्या बनावट वाहन नंबर प्लेट्स केल्या आसतल्यो, असो दुबाव उक्तायला. ह्या प्रकरणांत गुन्यांव अन्वेशण विभाग फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
