उर्बा, प्रोत्साहन दिवपी वर्ग

भांगरभूंय | प्रतिनिधी

को णूय उलयतना तुमी आयकतात आनी तुमच्या तोंडांतल्यान अचकीत उतरां भायर सरतात, ‘आरे हें म्हाका खबर आशिल्लें. हांव हें उलोवपाक शकतालों.’ तुमचे हें मनांतले विचार चार चवगां मुखार उलयतना भायर सरनात. हाचें एक कारण म्हणल्यार, आपले भितर आत्मविस्वास उणो आसता, मागीर दुसऱ्यांक उर्बा दिवपाचें सोडून दियात. पूण हें उर्बा दिवपाचें काम वेंगुर्लेंचो वसंत अख्ख्या महाराष्ट्रांतल्या तरणाट्यां खातीर करता. ही उमेद वाडोवपी गजाल. हो विशय काॅलेजींतल्या अभ्यासांत नासता, म्हूण कांय खेपो तरणाटे वायट मार्गाक लागपाची भिरांत आसता. हाचे खातीर वसंतान आॅनलायन व र्ग फक्त प्रोत्साहनाचेर केल्यात. दापोली शिकिल्ल्या वसंताचें पुराय नांव जावन आसा, वसंत म्हाडदळकार.
उर्बा ही दरेकल्या मनशाक जाय आसता. पूण ती मेळटाच अशें ना. हे फाटभुंयेर वसंत हांचो वावर तोखणाय करी सारको आसा, हातूंत दुबावूच ना. आॅनलायन वर्गाचो लाव कोणूय खंयच्यान घेवंक शकता. खेरीज हो वर्ग मराठी भाशेंत आसा. म्हणटकच गोंयच्या मराठी समजूपी विद्यार्थ्यांक तो कठीण वच्चो ना. खरें तर गोंयांत हुशार लोकांचो उणाव ना. पूण अशे वर्ग घेवपाची तयारी सगलेच करतात अशें ना. ताका खूब वावर आसता, खेरीज तें खर्चीक लेगीत आसता. आतां आमी इंटरनेटाच्यो जायत्यो गजाली पळयतात, पूण भाशेची अडचण कांय जाणांक येवंक शकता.
वसंत सदांच वेगळो विचार करतात. हातूंतल्यानूच तांणी हो उपक्रम चालीक लायलो. जे शाळेंत साने गुरुजी शिकले, तेच शाळेंत वसंतबाबाचे शिक्षण जालां. ना म्हणले तरी ताचेर ते संस्कार जाल्यात. तातूंतल्यानूच तांणी दुसऱ्याचो विचार करून हो वर्ग चालीक लायला. जायत्या लोकांनी ह्या वर्गाचो उपेग करून घेतला. तशें तांणी तांकां कळयलांय बी. वसंतबाब जे शाळेंत शिकले, थंयच्या शिक्षकांनीय तांचेर बरे संस्कार केले. हातूंत नरवणकर बाई, मेहता गुरुजी, मादुस्कर गुरुजी, तांबे गुरुजी हांचे सारक्यांचो आस्पाव आसा. ल्हान आसतना पसून वसंत हांकां वाचन, अभिनयाची आवड. ते नाटकांनी भाग घेताले. तांकां कलेच्या मळार काम करपाचें आसलें, मात घरच्यांनी हट्ट धरलो की विज्ञान फांटो घे. तेन्ना संगणक नव्यानूच सुरू जाल्लो. वसंतबाबान त्या विशयांत रस दाखयलो आनी फुडें नोकरी लेगीत केली.
त्या काळार भुरग्यांच्या आवडी प्रमाण करियर जायनासलें. तरणाट्यांच्या मनान आत्मविस्वास कसो हाडूं येत, तांकां प्रोत्साहन, उर्बा कशी मेळत, हाचो विचार वसंतबाब ह्या मार्केटिंग
फांट्यांत 18 वर्सांचो अणभव आशिल्ल्या तरणाट्यान चिंतलें.
तांकां विद्यार्थी प्रिय आशिल्ले. मदीं तांणी तेरां वर्सां काॅलेजींत शिकोवपाचेंय काम केलें. हें करतना तांणी नोकरी सोडून घरकान्न आकांक्षा हांचे मजतीन वर्ग सुरू केले. आकांक्षा तांकां अर्द्यार सोडून गेली.
आयज ते उर्बा, प्रोत्साहन दिवपी वर्ग घेतात, पूण तिची याद दवरूनच. तुमी 78750 55933/ 92251 17011 ह्या नंबराचेर तांचे कडेन संपर्क करूंक शकतात. ताच्या ई- मेलाचेरुय तुमी तुमकां कसली म्हायती जाय तें तुमी विचारूं शकतात. तांचो ईमेल आसा- [email protected]