भांगरभूंय | प्रतिनिधी
नवी दिल्ली, खबरां संस्था ः फाटल्या कांय वर्सांत नागरिकांक आधार कार्डाक पॅन कार्ड लिंक करपा संबंदीं जायत्यो संदी मेळ्ळ्यात. करुंक नाशिल्ल्यांक दंडय घालो. तरी लेगीत अजून कांय नागरिकांनी ही प्रक्रिया पुराय करूंक ना. देखून आयकर खात्यान मंगळारा परतून नागरिकांक आधार कार्डाक पॅन कार्ड लिंक करपाची याद करून दिल्या. दोनूय कार्डां फाल्यां ता. 31 मे पयलीं लिंक करपाक जाय.
पॅन आनी आधार कार्ड जोडिल्लें ना जाल्यार…
31 मे मेरेन करदात्यान पॅन आनी आधार कार्ड जोडूंक ना जाल्यार तांकां दुप्पट टीडीएस फारीक करचे पडटले अशी सुचोवणी आयकर खात्यान पॅन कार्डधारकांक दिल्या. ते खातीर बेगीनांत बेगीन पॅन आनी आधार लिंक करचे असो उलो आयकर खात्यान मारला.
पॅन आनी आधार कार्ड लिंक करपाची प्रक्रिया…
० तुमी आयकर खात्याच्या संकेतथळाक incometaxindiaefiling.gov.in भेट दियात.
० थंय Quick Links विभागाचेर क्लिक करात उपरांत Link Aahar हाचेर क्लिक करात.
० पॅन कार्ड आनी आधार क्रमांक घालून Validate हाचेर क्लिक करात.
० हाचे उपरांत आधार कार्डांत आशिल्ले नांव, मोबायल नंबर घालात आनी लिंक आधाराचेर क्लिक करात
० मोबायल क्रमांक घालात आनी दिल्ल्या ओटीपी वांगडा Validate हाचेर क्लिक करात.
पॅन -आधार लिंक आसा कांय ना कशें तपासप?
० आयकर ई-फायलिंग पोर्टल / www.incometax.gov.in/iec/foportal/ उगडात.
० होम पानाचेर ‘Link Aadhaar Status’ तपासात.
० मागीर तुमचो पॅन नंबर आनी आधार नंबर घालात.
० मागीर ‘View Link Aadhaar Status’ हाचेर क्लिक करात.
SMS वरवीं पॅन -आधार लिंक आसा कांय ना कशें तपासप?
आयकर खात्यान एसएमएस वरवीं पॅन-आधार कार्ड लिंक आसा कांय ना तें तपासपाचो पर्याय दिला. हे खातीर करदात्यांक 567678 वा 56161 ह्या नंबराचेर एसएमएस धाडचो पडटलो. दोनूय कार्डां जोडिल्ली आसल्यार तुमकां ताचे विशीं म्हायती मेळटली.
एसएमएस फॉर्मेट : UIDPAN <12 अंकांचो आधार क्रमांक> <10 अंकांचो पॅन कार्ड क्रमांक>
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
