भांगरभूंय | प्रतिनिधी
ईपीएफ म्हळ्यार एम्प्लॉइज प्रॉव्हिडेंट फंड (Employees Provident Fund) ही केंद्र सरकाराची येवजण आसून तिका कर्मचारी भविष्य निर्वाह निधी अशेंय म्हण्टात. निवृत्ती उपरांत पयशे योग्य रितीन वाटोवपा खातीर ईपीएफांतल्या रक्कमेचेर सतत नदर दवरप गरजेचें. ऑफलायन एसएमएस सेवां वरवीं तुमी तुमच्या ईपीएफ खात्याची शिल्लक वेगवेगळ्या तरांनी सोंपेपणान तपासूंक शकतात. हें तपासपाक उमंग (UMANG) ॲप हो एक सोयीस्कर ऑनलायन पर्याय आसा.
पीएफ खात्यातली शिल्लक ऑनलायन तपासपा खातीर….
१. युनिव्हर्सल अकाउंट नंबर (UAN)
२. इपीएफओ कडेन नोंदणीकृत आशिल्लो मोबायल क्रमांक
उमंग ॲप वापरून तुमची ईपीएफ खात्यातली शिल्लक अशी तपासात…
१. Google Play Store वा Apple App Store चेर UMANG App डावनलोड करात.
२. तुमचो मोबायल क्रमांक वापरून उमंग अॅपाचेर नोंदणी करात.
३. नोंदणी केल्या उपरांत ईपीएफओ सेवा सोदप.
४. उपरांत ईपीएफओ पर्यायाचेर क्लिक करात.
५. पासबूक पळोवप (View Passbook) हाचेर क्लिक करात.
६. मागीर तीन पर्याय दिसतले. तांतूत कर्मचारी केंद्रीत सेवा (Employee-Centric Service) हाचेर क्लिक करात.
७. उपरांत तुमचो UAN क्रमांक घालात आनी लॉगीन करात.
८. तुमचें पीएफ खातें ज्या मोबायल क्रमांकाचेर जोडलां ताचेर तुमकां ओटीपी येतलो.
९. ओटीपी घालात आनी ओकेचेर क्लिक करात.
१०. तुमच्या पीएफ खात्यांतली शिल्लक तुमकां दिसतली.
तुमचो मोबायल क्रमांक UAN क्रमांकाक जोडला हाची खात्री करात. मोबायल क्रमांक UAN क्रमांका कडेन जोडिल्लो ना जाल्यार पीएफ खात्यांतली शिल्लक पळोवंक मेळची ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
