भांगरभूंय | प्रतिनिधी
खबरां संस्था ः लोकसभा वेंचणुकेंत एनडीए आनी भाजपान ‘अबकी बार चारसो पार’ असो विस्वास उक्तायला. तशेंच चड सुवाती मेळोवपा खातीर नेटान प्रचार चालू आसा. ह्या प्रचारा वेळार प्रधानमंत्री नरेंद्र मोदी हांणी उद्धव ठाकरे म्हजो दुस्मान न्हय अशें विधान केले.
“बाळा साहेब ठाकरे म्हजेर खूब मोग करतालो. तांचो मोग आनी माया हांव केन्नाच विसरूंक शकना. आयज आमचे महाराष्ट्रांत चडांत चड आमदार आसात. तरी लेगीत शिवसेनेक मुख्यमंत्री पद दिवन एकनाथ शिंदेक आमी मुख्यमंत्री केलो. ही बाळासाहेब ठाकरे हांकां ओंपिल्ली आर्गा जावन आसा. बाळासाहेब ठाकरे हांचेर म्हजो खूब विस्वास आसा, आयज लेगीत हांव तांकां मान दितां आनी आयुश्यभर हांव तेच करतलो अशें प्रधानमंत्री नरेंद्र मोदी हांणी सांगलें. उद्धव ठाकरे म्हजो दुस्मान न्हय अशेंय ताणी सांगलां.
एका मुलाखतीत प्रधानमंत्री नरेंद्र मोदी हांणी म्हणलें, उद्धव ठाकरे हो बाळासाहेब ठाकरेचो पूत. बाळासाहेबाचो पूत म्हूण हांव तांकां सदांच मान दितलों. उद्धव ठाकरे म्हजो दुस्मान न्हय. फाल्यां तांचेर कसलेय संकश्ट आयले जाल्यार हांव पयलो मनीस आसतलो जो तांचे मजतीक धांवतलो. पूण तांणी बाळासाहेबांचे विचार सोडले. बाळासाहेबाचे विचार एकनाथ शिंदे मुखार व्हरतात अशेंय प्रधानमंत्री नरेंद्र मोदी हांणी सांगले. हेच मुलाखतींत तांणी शरद पवाराचेरय टिका केली. हे पिरायेचेर शरद पवार आपल्या कुटुंबाची जतनाय घेवंक शकले ना अशें मोदीन म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
