भांगरभूंय | प्रतिनिधी
भांगरभूंय । प्रतिनिधी
म्हापशेंः माडेल- थिवीच्या उदेंतें दर्पण वतीन मांगिरीष कॉलनींत डॉ आंबेडकर जंयती मनयली. मुखेल सोयरे सूरज नायकान दीवली पेटोवन डॉ आंबेडकरांच्या फोट्याक फुलां हार घातलो. आंबेडकारां सारक्या म्हापुरसांची देशाक सध्या गरज आसा अशें ताणे सांगलें.
समाजांत अर्थीक आनी सामाजीक समानता येवपाक जाय. जातीय आनी धर्मीक दुराचार सोपोवपाक जाय. ते खातीर आंबेडकरांचो आदर्श सामकार दवोरून लोकांनी फुडाकार घेवपाक जाय अशें उदेंते दर्पणाचो पदाधिकारी हरिष कामत हाणे सांगलें. मुख्याध्यापक भगवान म्हामल हाणे समाजांत शांतता आसल्यार दरेका मळार सामूहीक यत्न केल्यार सामाजीक उदरगत जातली असें सांगलें. दीपकृषण कामत हाणे हीच आमुची प्रार्थना हें गीत सादर केलें. श्रिया कामतीन सूत्रसंचालन केलें आनी वामन धारवाडकारान उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
