भांगरभूंय | प्रतिनिधी
उदका बगर आमचें जिवीत अशक्य. भलायकी तज्ञ सदांच म्हणटात, जितलें चड उदक पियेतात तितलें भलायकेक बरें. भरपूर उदक पियेल्यार जायते दुयेंस जायना. आमच्या कुडींत 75 टक्के उदक आसता. दिसाक उण्यांत उणें 2 ते 3 लिटर उदक पियेवचें असो सल्लो दोतोर दितात. कारण कुडींत उदक उणें आसल्यार पेशींक ऑक्सिजन सारको मेळना, अशें एका अहवालात म्हणलां.
1) प्लास्टीकच्या बाटल्यांनी उदक पियेवचें न्हय
सद्या प्लास्टीकचो वापर खूब वाडला. लोक चड करून उदक पियेवपाक प्लास्टीकाच्या बाटल्यांचो उपेग करतात. पूण प्लास्टीक बाटली भलायकेक कितली हानीकारक आसात हें जायत्या जाणांक खबर ना. एका संशोधनांतल्यान प्लास्टीकच्या बाटल्यांनी मायक्रोप्लास्टीक आसतात. हाका लागून प्लास्टीकाचो कोयर उदकांत भरसता आनी ह्या मायक्रोप्लास्टीकांतल्यान रगतांत प्रदुशण पातळटा. हाका लागून उदक पिवपाचो गळ्याच्या अवयवांक लुकसाण जाता कॅन्सराचो धोको वाडटा.
2) कितलें उदक पियेवप?
उदक चड पियेल्यार डिहायड्रेशना पसून वाचता. गरमेच्या दिसांनी खूब उदक पियेवचें. कुडींत उदक उणें जाल्यार घुंवळ येता. कुडीक हायड्रेटेड दवरपा खातीर जाण्ट्या मनशानी दिसाक 7 ते 8 पेले उदक पियेवचें, अशें तज्ञ म्हणटात.
3) उदक कशें पियेवप?
चडशे लोक उदक पियेतना कांय चुको करतात. देखीक- फ्रिजांत दवरिल्ली बाटली काडून रोखडेच उदक पियेवप, कांय जाण एकाच वेळार खूब उदक पितात, जेवणा वेळार आनी जेवणा उपरांत रोखडेंच उदक पियेतात जें चुकीचें आसा. चड मिनरल्स आशिल्लें उदक पियेवप टाळचें. उबे रावन उदक पियेवचें न्हय. थोड्या थोड्या वेळा उपरांत उदक पियेवचें.
4) केन्ना उदक पियेवप फायद्याचें
न्हावचें पयलीं अर्द वर उदक पियेल्यार रगतदाबाचे त्रास जायना आनी न्हिदेच्या आदीं उदक पियेल्यार काळजाचो आताक येवपाचो धोको उणो जाता. व्यायामा उपरांत उदक पियेल्यार डिहायड्रेशनाची समस्या जायना.
आयुर्वेदाच्या मतान उदक शांतपणान बसून पियेवंक जाय. उबे रावन उदक पियेल्यार उदक नेटान पोटाच्या सकयल्या भागांत वता. ताका लागून कुडीक उदकांतले पोशक तत्व मेळनात आनी वेगवेगळे त्रास जावंक लागतात. ल्हवू ल्हवू उदक पियेवचें. कारण आमी उदक पियेतना आमची लाळूय उदका वांगडा पोटांत वता आनी हाका लागून पचनशक्त घट जावपाक मजत जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
