भांगरभूंय | प्रतिनिधी
उदक आमच्या जिवितान कितलें म्हत्वाचें आसा हें आमीं सगलीं जाणांत आसतलीं. आयज आमकांं उदक वापरपाक खूब गावता. पूण आनीक कांय वर्सांनी आमकांं अशेंच उदक वापरपाक गावतलें काय हाचो मातूय विचार करिनासताना कांय जाणा उदकाचो गैरवापर करीत आसतात.
कांय जाणांक सकाळीं एकदा आनी सांजे एकदा न्हांवपाची संवय आसता. दरेकलो दिसाक एकदाच नितळ न्हालो तर उदक कितलें वांचतलें? हेंच उदक, आमी आयदनां धुतात तें उदक, कपडे उमळटात तें उदक झाडांक घालपाक जाय. अशें आमीं सगल्यांनी केलें तर उदक तितके वांचतलें.
आमकां कांय जाणांक झाडांक नळाचें नाजाल्यार बांयचें ताजे उदक घालपाची संवय लागला, कितलेशेच जाण नळाच्या उदकाचो इबाड करून आमच्यो गाडयो धुतात. एक कळसो भर उदक जाय जाल्यार त्या जाग्यार दोन वा तीन कळशे भर उदक घेवन आमी आमच्या जनावरांक धुतात
आयज कांय जाण उदकाचो सांबाळून वापर करपाक लागल्यात. तर कांय जाण उदकाचो गैरवापर करीत आसात. उदका खातीर आमकां कांयच त्रास काडचो पडना. उदकाचें मोल पसून तितलें चड ना. हाचो कांय जाणां गैरफायदो घेवन उदकाचो असोच गैरवापर करीत रावल्यात.
आयज उदकाचें कांय जाणांक खरेंच पडिल्लें ना. ती असोच उदकाचो गैरवापर करित आसात. तांकां उदकाची किंमतच ना. धा रुपयाची उदकाची बाटली जेन्ना पन्नास रुपया जातली, आनी म्हयन्यांक शंबर वा देडशें रुपया नळाच्या उदकाचीं बिलां येवपाच्या जाग्यार दोन, तीन हजार रुपया बिलां येतलीं तेन्नाच तांकां उदकाचें खरें मोल कळटलें.
आमच्या जिवीतांत उदक खूब मोलादीक आसा. देखून आमी उदकाचो सांबाळुन उपेग करया. पूण गैरवापर केन्नाच नाका.
स्नेहल कारबोटकार
9373379263
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
