भांगरभूंय | प्रतिनिधी
पणजी : अंदूं दुशीत उदकाचे 3,600 सॅम्पल चांचणे खातीर आयल्ले. तातूंतल्या 29 सॅम्पलांत उदक दुशीत आशिल्ल्याचें सिध्द जालां. पूण ह्या दुशीत उदका विशीं कसलीच उपाय येवजण हातांत घेवंक ना, अशी म्हायती केंद्रीय जल शक्ती मंत्रालयाच्या पियेवपाच्या उदक आनी नितळसाण खात्यान दिल्या.
खात्यान दिल्ले म्हायती प्रमाण 2025-26 त गोंयांतल्या 24 प्रयोगशाळांनी 3,637 दुशीत उदकाचे सॅम्पल चांचणे खातीर आयल्लें. तातूंतल्या ऑगस्ट 2025 मेरेन 3,630 सॅम्पलांची चांचणी जाल्या. फक्त सात सॅम्पलांची चांचणी जावपाची उरल्या. उरिल्ल्या 3,630 सॅम्पलां मदले 29 सॅम्पल हे उदक दुशीत आशिल्ल्याचें दिसून आयलें. पूण हें दुशीत उदक पुरवण सुदारपा विशीं फुडली उपाय येवजण अजून मेरेन हातांत घेवंक ना. दुशीत उदकाची चांचणी करपा खातीर गोंयांत 24 प्रयोगशाळा आसात आनी तातूंतल्यो 15 प्रयोगशाळा एनएबीएल प्रमाणीत आसात. राज्य पांवड्यार एक, जिल्हो पांवड्यार दोन, उपविभागीय पांवड्यार 13 आनी उदका प्रक्रिया प्रकल्पांत 8 प्रयोगशाळा आसात. जिल्हो पांवड्या वयल्या आनी उपविभागीय पांवड्या वयल्या प्रयोगशाळांक एनएबीएल मान्यताय मेळ्ळ्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
