भांगरभूंय | प्रतिनिधी
बलिया, खबरां संस्था: उत्तर प्रदेशांतल्या बलिया गांवांत एक धक्को दिवपी घडणूक उजवाडाक आयल्या. हांगा घरमालकाच्या पांच वर्सां पिरायेच्या चलयेचेर बिराडाक रावप्यांच्या भुरग्यांनी बलात्कार केलो. तिग जाण दुबावीत आसात. चलयेचे आवयन हे विशीं पुलिसां कडेन कागाळ केल्ले प्रमाण, आपली धूव आनी बिराडाक रावपी एका कुटुंबांतले तीग चले वयर तेर्रासार खेळटाले. त्या तिगांयनी आपले चलयेचेर थंय बलात्कार केलो, अशें तिणें कागाळेंत म्हणलां.
पुलिसांनी दाखल केली कागाळ
पुलीस चवकशी करतात. बिराडाक रावप्यांक ३ पूत आसात. तातूंतलो एकलो ६ वर्सां पिरायेचो, दुसरो १३ आनी तिसरो १६ वर्सां पिरायेचो. ह्या तिगांयनी आपले चलयेचेर बलात्कार केल्ल्याचें पिडेस्त चलयेचे आवयन पुलिसांक सांगलें. पुलिसांनी त्या तिगांय चल्यां आड कागळ नोंद करून तांकां ताब्यांत घेतले. उपरांत दुबावितां आड भारतीय न्याय संहिता आनी लैंगीक शोशणा आड पुलिसांनी गुन्यांव नोंद केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
