भांगरभूंय | प्रतिनिधी
हरदोई, खबरां संस्था ः उत्तर प्रदेशांतल्या हरदोई हांगा रेंवेन भरिल्लो ट्रक एके खोपीचेर उमथलो. हांतूत एकाच कुटुंबांतल्या 8 जाणांक मरण आयलें. कुटुंबांतली एकूच चली वाचली.
मरण आयिल्ल्या मदीं घोव- बायल, 4 भुरगीं, जांवय आनी नातरां आसात. अवधेश (45), ताची घरकान्न सुधा (42), सुनैना (11), लल्ला (5), बुध्द (4) आनी जांवय करण (25), ताची घरकान्न हिरो (22) आनी धूव कोमल (5) अशी मेल्ल्या मनशांचीं नांवां. बुधवारा रातीं 1.30 वरांचेर हो अपघात जालो.
चड म्हायती प्रमाण, मल्लवान शारांत लोक रस्त्या कुशीक आशिल्ल्या खोपींनी रावतात. थंय लागसार रावपी एका मनशान सांगले, आमी रातच्या वेळार न्हिदिल्ले आसतना अचकीत आवाज आयलो. धांवत अवधेशाच्या घरा गेले. पुराय कुटुंब ट्रका सकयल चिड्डले दिसलें. एक चली जखमी जाल्ले. आमी हे विशीं रोखडेंच पुलिसांक कळयलें. पुलिसांनी घडणूक सुवातेर येवन पंचनामो केलो आनी ट्रक ड्रायव्हर आनी हेल्पराक ताब्यांत घेतलो. जखमी चलयेक उपचारा खातीर हॉस्पिटलांत दाखल केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
