भांगरभूंय | प्रतिनिधी
पणजी : मुख्यमंत्री डॉ. प्रमोद सावंत हांकां प्रयागराजच्या त्रिवेणी संगमाचेर जावपी धर्मीक महाकुंभाक हजर रावचे खातीर उत्तर प्रदेश सरकारान खासा आमंत्रण पत्रिका दिल्या. उत्तर प्रदेशाचे मंत्री दारासिंग चौहान आनी राज्यमंत्री रामकेश निषद हांणी मुख्यमंत्र्यांक मुख्यमंत्री योगी आदित्यनाथ हांचे वतीन आमंत्रण पत्रिका दिली.
प्रयागराज हांगा बारा वर्सां उपरांत महाकुंभ जाता. गोंयचे जनते वतीन हांवें अभिमानान हें आमंत्रण स्वीकारलां, अशें डॉ. सावंत हांणी म्हणलें. सनातन भारतीय संस्कृतायेचो वांटो आशिल्लो महाकुंभ हो धर्मीक आनी आध्यात्मीक उत्सव. प्रधानमंत्री नरेंद्र मोदी हांच्या यत्नांक लागून महाकुंभाक युनेस्को वतीन मानवता जपपी सांस्कृतीक दायज उत्सव म्हणून मान्यताय मेळ्ळ्या. अंदूं १३ जानेवारी ते २६ फेब्रुवारी २०२५ मजगतीं महाकुंभ जातलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
