भांगरभूंय | प्रतिनिधी
भांगरभूंय । प्रतिनिधी
माशेलः उत्तर गोंय जिल्हो पंचायती वतीन आखाडा हांगचे प्राथमीक शाळेक वॉटर कुलर आनी सावंड सिस्टम दिल्या. जिल्हो पंचायत अध्यक्ष सिद्धेश नायक हाचे हस्तुकीं तांचें अनावरण करून ह्यो वस्तू शाळेच्या शिक्षकांचे सुवादीन केल्यो. उत्तर गोंयांतल्या शाळांक सुविधा मेळोवन दिवपाचें काम उत्तर गोंय जिल्हो पंचायत मंडळ करतलें अशे तांणे ह्या वेळार सांगलें.
कार्यावळीक थळावी पंच वांगडी साईरा नार्वेकार, पालक-शिक्षक संघाची अध्यक्ष भार्गवी वळवयकार, मुख्याध्यापिका अपर्णा भोसले, शिक्षिका सालविना गोम्स, नूतन फडते, हर्षा सावंत हाजीर आशिल्ली. शाळे खातीर वॉटर कुलर आनी सावंट सिस्टमीची आमी मागणी केल्ली. सिद्धेश नायक हांणी ती रोखडीच मानून घेतली अशें भार्गवी वळवयकारान सांगलें. आखाडा वाठारांत साक्षरतेचें प्रमाण चड आसा. सगल्या मळांनी हांगचे लोक आसात. अशें पालक-शिक्षक संघाचे आदले अध्यक्ष रामानंद तारीन सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
