भांगरभूंय | प्रतिनिधी
पणजीः उत्तर गोंय जिल्होधिकाऱ्यान उत्तर गोंय वाठारांत जुवारी पूल, जीएमसी बांबोळे, ताज सिदादे द गोवा, हॉरिजन ते दोनापावला मेनचो खंयचोय रस्तो वा रस्त्याचो भाग खणपाक बंदी लागू केल्या.
उदका पुरवण, सिव्हेज, लायटीचे कनेक्शन आनी हेर ताकतिकेच्या कामा खातीर रस्तो खणपा खातीरचो अर्ज वा विनवणी विशीं संबंदीत खात्यान निर्णय घेवन शिफारस आनी समर्थन अहवाला सयत फुडल्या कार्यवाये खातीर जिल्हो न्यायदंडाधिकाऱ्यांक धाडपाक जाय.
ह्या आदेशाचे उल्लंघन करप्यां आड भारतीय न्याय संहिता कायद्या खाला कारवाय जातली. हो आदेश शेनवार, 27 डिसेंबराक लागू जातलो आनी आयतार, 28 डिसेंबराक 10.00 वरां मेरेन लागू उरतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
