भांगरभूंय | प्रतिनिधी
पणजीः अखिल भारतीय महिला काँग्रेसीचे अध्यक्ष अलका लाम्बा हांणी गोवा प्रदेश महिला काँग्रेसीच्या ब्लॉक अध्यक्षांची नेमणूक करपाक मान्यताय दिल्या. उत्तर गोंयच्या 16 ब्लाक आनी दक्षीण गोंयच्या 12 ब्लॉकांची नवी नेमणूक केल्या.
नव्यान नेमिल्ल्या ब्लॉक अध्यक्षांक येवकार दितना गोवा प्रदेश महिला काँग्रेसीची अध्यक्ष डॉ. प्रतिक्षा खलप हांणी म्हणलें, ही नेमणूक आमची संघटना घटमूट करपा खातीर एक बरे पावल आसा. ह्या दरेका बायल फुडाऱ्याचो आपल्या समाजा कडेन घट संबंद आसा. तशेंच निश्ठेन वावुरतले आनी महिला काँग्रेसीचे ध्येय फुडें व्हरतले असो म्हाका विस्वास आसा.
बायलां आमच्या समाजाचो कणो आसा आनी ह्या नेमणुकां वरवीं आमी चड बायलांक राजकारणांत आनी भौशीक जिणेंत फुडारपणाच्या भुमिकेंत हाडपाचो यत्न करतात. एकठांय येवन आमी गोंयांत एक बळिश्ट आनी चड समावेशक काँग्रेस तयार करतले.
नव्यान नेमिल्ल्या ब्लॉक अध्यक्षांची तांच्या तांच्या मतदारसंघांतल्या बायलांक संघटीत करप, थळाव्या प्रस्नांचेर काम करप, काँग्रेस पक्षाचो विस्तार करप हातूंत म्हत्वाची भुमिका आसतली.
ब्लॉक अध्यक्षांची वळेरी….
उत्तर गोंय : स्नेहा माईणकार (मांद्र्यां), मिलाग्रीन फर्नांडिस (पेडणें), मारिया जोआनिता डिसोझा – जेनेट (दिवचल), गौरी गावस (सांखळे), जरिनाबी आशिफ खान (पर्यें), नंदिता कौठणकार (मयें), बबिता नायक (हळदोणां), लक्ष्मी चव्हाण (शिवोले), कार्मेलिना फर्नांडिस (कळंगुटे), ईशिका मांद्रेकार (साळगांव), जीन डायस (थिये), कॅटरिना पिरेस (कुंभारजुवें), सुनीता पेडणेकार (सांत आंद्रे), ओल्गा रेगो (सांताक्रुझ), एसलिंडा गोंसाल्विस (पणजे), सुषमा गांवकार (प्रियोळ).
दक्षीण गोंय : वैशाली नायक (कुंकळ्ळे), आर्लिंडा लसेरडा (केपें), शार्लेट फर्नांडिस (नुवें), बर्टा कार्दोजो (वेळ्ळी), लुईझा पेरेरा ई रॉड्रिग्स (बाणावले), अक्षदा वाडेकार (दाबोळे), श्रद्धा कळंगुटकार (वास्को), विनिका आरोलकार (मुरगांव), लता नायक (कुडतरी), उर्सिला कॉस्टा (काणकोण) नाझिया मुल्ला (शिरोड्यां), विल्मा परेरा (फोंडें).
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
