भांगरभूंय | प्रतिनिधी
अल्मोडा : उत्तराखंडच्या अल्मोडा हांगा आयज सकाळीं प्रवाशांनी भरिल्ली बस १६० फूट खोल देंगणांत कोसळ्ळी. हातूंत ७ जाणांक मरण आयलें. जाल्यार १२ परस चड लोक गंभीर आसात. हो अपघात भिकियासैंण-रामनगर मार्गार शीलापाणी (विनायक क्षेत्र) लागसार सकाळीं सुमार ८ वरांचेर जालो.
बस द्वाराहाट-भिकियासैंण-बासोट मार्गान रामनगराक वताली. तेन्नाच चालकाचें अचकीत बसीवेल्यान नियंत्रण सुटलें.
हे घडणुकेची म्हायती मेळटांच प्रशासन आनी पुलीस दळांत बरोच बोवाळ जालो. घडणुके सुवातेर पुलिसां वांगडा एसडीआरएफची टीम थंय पावली. उपरांत ग्रामस्थांचे मजतीन रेस्न्यू ऑपरेशन सुरू केलें.
दोंगराळ वाठार आशिल्ल्यान मजत आनी रेस्न्यु ऑपरेशनाक बरींच आडमेळीं आयलीं. सध्या जखमींक भिकियासैंण हांगच्या सरकारी हॉस्पिटलांत दाखल केल्यात. जाल्यार दोगांक रामनगरच्या राम दत्त जोशी शासकीय संयुक्त हॉस्पिटलांत व्हेल्यात आनी परिस्थिती इबाडल्यार गंभीर जखमीं हॅलिकॉप्टरान एम्स ऋषिकेश धाडपाची तयारी सुरू आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
