भांगरभूंय | प्रतिनिधी
डेहराडून, खबरां संस्था ः संवसारांतल्या खाशेल्या फुलांमदीं ऑर्किड फुलांचो आस्पाव आसा. ऑर्किड झाडांक तांच्या प्रकारा प्रमाण ४-७ वर्सां फुलां फुलतात. हीं सोबीत रंगाचीं फुलां मेणासारक्या रचनेक लागून ८० दिसा मेरेन ताजीं उरतात. देशांत ऑर्किड इतले आसात की ८०% ऑर्किड आयात करतात. ही आयात अमेरिके परस चड आसा. ऑर्किडांची व्हड मागणी आशिल्ल्यान देशांतल्या कांय राज्यांनी तांची लागवड करपाचो यत्न सुरू आसा.
सिम्बिडियम ऑर्किड फुल ७ वर्सां उपरांत फुलता
उत्तराखंडांतले राकेश मोहन पंत 20 वर्सां सावन उत्तराखंडांतल्या गोपेश्वरांत ऑर्किडांची लागवड करतात. सिम्बिडियम ऑर्किड पिकोवपी तो उत्तराखंडांतलो एकमेव मनीस. 124 वर्सां उपरांत 2020 वर्सा उत्तराखंडांतल्या सप्तकुंड ट्रॅकाचेर लिपारीस पिग सांपडिल्ले. तशेंच ह्या वाठारांत सिम्बिडियम लँसिफोलियम नांवाची एक दुर्मीळ प्रजाती मेळ्ळी. भारतांत सुमार १२५० प्रकारची ऑर्किड सांपडटात. ऑर्किड देशाच्या उत्तर-पूर्व भागांत सांपडटात कारण थंयसरले हवामान खास करुन तापमान आनी आर्द्रताय तांच्या लागवडीक उपेगी थारता. २०-२५ अंश तापमान आनी शिंपडिल्लो सुर्याचो उजवाड तांचेखातीर योग्य आसता. राकेश हांच्या मतान सिम्बिडियम ऑर्किड ही एक जात आसून ती सुमार ७ वर्सां उपरांत फुलता.
राकेश म्हणटा, हांवेन छंद म्हणून 2009 वर्सा हेर 4 लोकां वांगडा सिक्किमांतल्या आयसीएआर संस्थेंतल्यान ऑर्किड लागवडीचें प्रशिक्षण घेतलें. उपरांत ताणें गोपेश्वर हांगा सुमार १५०० फूट उंचायेचेर आपल्या घराच्या छप्पराचेर आशिल्ल्या ग्रीनहाउसांत ऑर्किडांची लागवड करपाक सुरवात केली. सद्या तांच्या ग्रीन हाऊसांत ५०० वनस्पत आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
